• Video galereyası

Törek matbuğatına küzätü 14.02.2018

14 nçe fevral' könne basılıp çıqqan qayber törek gazetlarına küzätü

Törek matbuğatına küzätü 14.02.2018

 “Sabah” gazetı ”Prem’yer-ministr AQŞnıñ bu yulı qatı qıyağa kilep bärelüen belderde” isemle xäbärendä Amerika Quşma Ştatlarınıñ “YPG” terror oyışmasına yärdäm itüenä kisken reakśiya belderep “Bu êş sez uylağança bik ciñel tügel, bu yulı qatı qıya taşına kilep bäreldegez” dip äytüen citkerä.

 

”Vatan” gazetı ”NATO ğomum särqätibennän Törkiyä açıqlawı” isemle xäbärendä NATO ğomum särqätibe Yens Stoltenbergnıñ Törek Qorallı Köçläreneñ Süriyäneñ Afrin töbägendä alıp barğan “Zäytün botağı” xäräkäte belän bäyle “Törkiyäneñ legal’ iminlek qayğıları bar. Ber genä NATO äğ’zası da Törkiyä xätle terror höcümenä duçar bulmadı. Törkiyä bu iminlek borçıluların çişü xoquqına iyä” dip belderüe turında yaza.

 

”Xäbär Törek” gazetı” Zur şirkätlärneñ valyuta burıçı tärtipkä saluı iyün’ ayına qadär betär” isemle xäbärendä Törkiyä prem’yer-ministr urınbasarı Mäxmät Şimşäkneñ zur şirkätlärne üz êçenä alaçaq valyuta belän burıçqa alu tärtipkä saluınıñ iyün’ ayına qadär tämamlanaçağı turında äytüen citkerä.

 

”Star” gazetı ”Törek êşmäkärläre Sudanda turizm şähäre töziyäçäk” isemle xäbärendä “Ğadälät häm qalqınu” partiyäseneñ Dänizli xalıq ışanıçlısı Şahin Tinneñ törek êşmäkärläreneñ Sudannıñ Kızıldiñgez vilayätendä turizm şähäre töziyäçäkläre turında äytüen belderä.

Mondıy şähär Sudannıñ täwgese bulaçaq. Bu räweşle Sudan dönyağa tanıtılaçaq.

 

”Xörriyät” gazetı “Krizis täêsir itmäde” isemle xäbärendä Germaniyadan Törkiyägä cäyge yal bron’narınıñ bıyıl uzğan yıl belän çağıştırğanda 50%qa artuın uquçıları belän urtaqlaşa.

 

 



Bäyläneşle xäbärlär