Törek matbuğatına küzätü 16.05.2018

16nçı may könne basılıp çıqqan qayber törek gazetlarına küzätü

Törek matbuğatına küzätü 16.05.2018

“Sabah” gazetı: "Ärdoğannıñ Fälästin diplomatiyası däwam itä”

İlbaşı Räcäp Tayyip Ärdoğan Fälästindäge soñğı täräqqıyätlär belän bäyle bularaq Germaniya Kanślerı Merkel, İran İlbaşı Hasan Ruhani häm Rusiyä Däwlät başlığı Vladimir Putin belän telefonnan ayırım ayırım söyläşte. Ärdoğan Merkel telefon söyläşüendä Ğazzädä fälästinlelärneñ tämek itep alınuı näticäsendä yäşängän kiyerenkelek xaqında fikerlär belän almaşıldı. Söyläşü waqıtında xäzerge küreneşneñ problemağa çişeleş tabıluın awırlaştıruına da basım yasaldı. Ärdoğan İran İlbaşı Ruhani belän telefon söyläşüen dä ütkärde. Ärdoğan Fälästindäge soñğı täräqıyätlär belän bäyle bularaq iñ soñ Rusiyä Däwlät başlığı Putin belän telefonnan söyläşte.

“Star” gazetı: "Törkiyä belän AQŞ arasındağı möhim söyläşülärneñ waqıtı bilgele buldı”

Tışqı êşlär ministrı Mäwlüt Çavuşoğlu Amerika Quşma Ştatları däwlät särkätibe (särkätıybe) Mayk Pompeo belän 4nçe iyün’dä Amerika Quşma Ştatlarında küreşäçäk. Pompeo belän Çavuşoğlu Amerika Quşma Ştatları başqalası Waşingtonda oçraşaçaq. Çavuşoğlu belän Pompeonıñ söyläşüe waqıtında Süriyädäge häm Yaqın Könçığıştağı täräqqiyätlär (täräqqıyätlär), ike yaqlı mönäsäbätlär, “PKK” terror oyışması häm “Fätullahçı” (FETÖ/PDY) terror oyışması/parallel däwlät qorılışı belän köräş kebek mäs’älälärneñ quzğatıluı kötelä.

“Watan” gazetı: “Akardan ike kritik söyläşü”

Ğomum ştab başlığı armiya generalı Hulusi Akar Greśiya häm Amerika Quşma Ştatları ğomum ştab başlıqları belän küreşep söyläşte. Akar kiçä NATO xärbi komitet ğomum ştab başlıqları cıyılışında qatnaşu öçen kitkän Bel’giya başqalası Bryussel’dä Greśiya ğomum ştab başlığı belän küreşte.

Ägäydäge kiyerenkelektän soñ berençe oçraşu buldı. Ğomum ştab başlığı armiya generalı Hulusi Akar Amerikalı xezmättäşe armiya generalı Josef Danford belän oçraştı. Oçraşu waqıtında Akar häm Danford ike yaqlı mönäsäbätlär belän bergä Süriyädäge häm Yaqın Könçığıştağı täräqqiyätlär (täräqqıyätlär) xaqında fikerläre belän almaştı.

“Xörriyät” gazetı: "Şimşäktän iq’tisad belän bäyle bik möhim tweet”

Baş ministrnıñ iq’tisadtan cawaplı urınbasarı Mäxmät Şimşäk “Twitter”dan yasağan belderüendä säyäsät cıyılmasınıñ saylawdan soñ yaxşıraçağın belderde. “Bloomberg News”nıñ Törkiyä byurosı citäkçese Benjamin Harvey urtaqlaşqan xäbärgä cawap birüçe Şimşäk: "Säyäsi pragmatizm axır çiktä xakim bulaçaq. Qağidägä nigezlängän bazar iq’tisadı alğa taba baru öçen berdänber ışanıçlı variant”, - dip äytte.

“Yäni Şafak” gazetı: "Aqdağ İzrail häm Misır yaralanuçılarnı alıp baraçaq oçqıçqa röxsät birmäde”

Baş ministr urınbasarı Räcäp Aqdağnı Tön'yaq Kipr Törek Cömhüriyäte İlbaşı Mustafa Aqıncı häm Baş ministr Tufan Ärhürman ayırım ayırım qabul itte. Aqdağ Kiprda yasağan belderüendä: "Fälästindäge yaralanuçılarnıñ Törkiyägä kiterelüe öçen İzraildä yäisä Misırda oçqıçnıñ töşüe kiräk. Här ike il dä xäzergä çaqlı moña röxsät birmäde”, - dip äytte.



Bäyläneşle xäbärlär