TÖREK MATBUĞATINA KÜZÄTÜ 13.06.2018

13nçe iyün’ könne çıqqan qayber törek gazetalarına küzätü

TÖREK MATBUĞATINA KÜZÄTÜ 13.06.2018

“Xörriyät” gazetı “TANAP” xezmät kürsätä başladı” dip yaza.

Törkiyä häm Azärbaycan tarafınnan 3 yıl buyı tözelgän häm Azärbaycan tabiğıy gazın Törkiyä arqılı Awrupağa cibärä torğan Trans Anadolu tabiğıy gaz ütkärgeçe (TANAP) açıldı. Açılış tantanasında ilbaşı Räcäp Tayyip Ärdoğan, Tön’yaq Kipr törek cömhüriyäte däwläte başlığı Mostafa Akıncı, Azärbaycan ilbaşı İlham Aliyev, Serbiya prezidentı Aleksandr Vuçiç häm Ukraina däwlät başlığı Petr Poroşenko qatnaştı. Ärdoğan, çığış yasap: “Bügen töbägebez häm illärebez öçen tarixi adım yasıybız,”-dide.

“Xäbär Türk” gazetı “Törkiyäneñ Awrupa berlege äğ’zalığı maqsatı däwam itä” dip belderä.

Xökümät räise Binali Yıldırım İzmirda Bolgariya prem’yerı Boyko Borisov belän oçraştı. Yıldırım anda Törkiyäneñ Awrupa Berlegenä kerü maqsatınnan çigenmäwen söyläde. Ämma, anıñ fikerençä, ABnıñ kiläçäkkä qaraşın bilgeläwe häm bu mäs’älädäge baş butawların kiçekmästän beterüe kiräk.

“Watan” gazetı: “Barısın AQŞtan çığardıq” dip xäbär itä.

İq’tisad öçen cawaplı xökümät räise urınbasarı Mäxmät Şimşäk Törkiyäneñ AQŞtağı altın rezervlarınıñ barısınıñ çığarıluın belderde. “Amerikadağı altın rezervlarınıñ barısın kiterttek. Anda bernärsä qaldırmadıq,”-dide ul.

“Sabax” gazetı “Törek uyınnarı dön’yanı qolaçladı” dip yaza.

Böten dön’yağa taralğan törek seriallarına cirle komp’yuter uyınnarı da östälde. Törek injenerları tarafınnan çığarılğan küp kenä uyın dön’yaküläm ligada üz urının taptı. Bolardan berse Zula 100dän artıq ildä uynala.



Bäyläneşle xäbärlär