• Video galereyası

Törek matbuğatına küzӓtü 10.08.2018

10 avgust könne basılıp çıqqan qayber törek gazetlarına küzätü

Törek matbuğatına küzӓtü 10.08.2018

“Xӓbӓr türk” gazetı “BMOda Törkiyӓ açıqlawı” isemle xӓbӓrendӓ BMOnıñ Süriyӓ kiñӓşçese Jan Egelandnıñ Süriyӓneñ İdlib şӓhӓrendӓ millionnarça ğayepsez keşeneñ qurqınıç astında buluın açıqlawın yaza.

Xӓbӓrgӓ kürӓ Egeland İdlibtӓ ixtimallı bӓreleşne buldırmaw öçen Törkiyӓ, Rusiyӓ hӓm İrannıñ xezmӓttӓşlek êçendӓ bulacağın belderde. Egeland ixtıyac bulğanda Törkiyӓgӓ çaqırunıñ yasalaçağın hӓm Ӓnkara citӓkçelegennӓn töbӓktӓn qaçqan tınıç xalıq öçen çik buyı qapqaların açuın sorıy alacağın citkerde.

“Xörriyӓt” gazetı İstanbuldağı yaña aêroporttan yasalaçaq berençe sӓfӓr köneneñ hӓm yünӓleşneñ bilgele buluın yaza.

Gazet yazuınça 95%ı tӓmamlanğan hawa mӓydanına küçenü êşe 29 üktӓbr’ könne başlanaçaq. Berençe oçqıç sӓfӓre isӓ 31 üktӓbr’ könne köndezge sӓğat’ 14:00dӓ İstanbuldan Ӓnkarağa çınğa aşaçaq.

Xӓbӓrgӓ kürӓ çit ilgӓ berençe sӓfӓrlӓr Tön’yaq Kipr Törek Cömhüriyӓte hӓm Azӓrbaycanğa bulaçaq.

“Sabah” gazetı Törek hawa yullarınıñ cӓmӓğat’çelekne yaqtırtu mӓydanında urın aluçı ğinwar-iyul’ mӓğlümatlarına kürӓ 2017 yılnıñ ğinwar-iyul’ çorında 37 million yarım yulçı sanınıñ bu yılnıñ şul uq çorında 15,2% artış belӓn 43 million 200 meñgӓ citüen xӓbӓr itӓ.

“Yӓni Şafak” gazetı Mardin vilayӓteneñ Dargeçit ilçӓsendӓge Ilısu böyӓsen qotqaru qazuları qısalarında Boncuklu Tarla toraq punktında b.ê. qadӓr 8200nçe yıllarğa qarağan qaberdӓn ğaşiqlarnıñ kol’yenıñ tabıluın uquçıları belӓn urtaqlaşa.

Gazet yazuınça ber xatın-qız hӓm ir-atta tabılğan kol’ye hӓm taşları Mardin muzeyına quyıldı.


Etiketlar: matbuğat

Bäyläneşle xäbärlär