Törek matbuğatına küzätü 09.11.2018

9 nçı noyabr' könne basılıp çıqqan qayber törek gazetlarına küzätü

Törek matbuğatına küzätü 09.11.2018

“Xäbär Törek” gazetı  “Kurtulmuş “PYD”ne legal’ oyışma bularaq tanu öçen yasalğan adımnıñ ikeyözlelek buluın belderde” isemle yazmasında “Ğadälät häm qalqınu” partiyäse ğomum başlıq wäkile Numan Kurtulmuşnıñ Amerika Quşma Ştatlarınıñ “PKK” separatist terror oyışmasın terror oyışması bularaq tanıp ta anıñ Süriyädäge törkeme “YPG/PYD”ne legal’ oyışma bularaq tanu öçen adım yasawın ikeyözlelek bularaq bäyäläwen citkerä.

Gazet yazuınça, Numan Kurtulmuş AQŞnıñ “PKK” nıñ güya atamannarı xaqında mäğ’lümat birüçelärgä aqçalata büläk birüenä uñay qarawların ,fäqät’ monıñ soñğa qalıp başqarılğan ğamäl buluın citkerde.

”Sabah” gazetı “Törek Qorallı Köçläre häm AQŞ Münbiçtä ikençe urtaq patrul’ başqardı” isemle xäbärendä Törek Qorallı Köçläre häm Amerika Quşma Ştatları armiyäseneñ Münbiç planı qısasında kiçä ilçädä ikençe urtaq patrul’ başqaruın xäbär itä. Täwge urtaq patrul’ 1 nçe noyabr’ dä ütkärelgän ide.

”Xörriyät” gazetı “İstanbul hawa mäydanınnan ul ilgä täwge säfär” isemle xäbärendä İstanbul hawa mäydanında 31 nçe oktyabr’dän başlap tariflı oçışlarğa kereşkän Törek hawa yullarınıñ Azärbaycan başqalası Baqını da oçış çeltärenä östäwen citkerä. Berençe säfärdä 121 yulçı bar ide.  

”Vatan” gazetı ”Törkiyä saqlanu sänäğäte İndoneziyada küz qamaştırdı” isemle xäbärendä  İndoneziyada 8 nçe xalıqara İndoneziya saqlanu yärminkäsendä qatnaşqan törek firmalarınıñ soñğı texnologiya êşlänmälären tanıtuların uquçıları belän urtaqlaşa.  

Älege êşlanmälär  arasında ANKA,Xör qoş, Korkut,T-129 ATAK boraqları da bar. Yärminkä 10 nçı noyabr’gä qadär êşläyäçäk.

”Star” gazetı “Cirle oçqıçqa reaktiv oçqıç motorı quyılaçaq” isemle xäbärendä saqlanu sänäğäte başlığı İsmail Dämirneñ saqlanu sänäğäte räislege belän TR Motor arasında milli xärbi oçqıç motorı buldıru programması qısa kileşüe imzalanuı häm bu bäyläneştä cirle oçqıçqa milli reaktiv oçqıç motorı quyılaçağı turında äytüen citkerä.

 

 



Bäyläneşle xäbärlär