Törek matbuğatına küzätü 12.02.2019

12nçe ğıynvar könne çıqqan qayber törek gazetlarına küzätü

Törek matbuğatına küzätü 12.02.2019

“Watan” gazetı “Kritik isem Törkiyädä” dip yaza

Milli saqlanu mimnistrı Xulusi Akar kiçä Rusiyädäge wazıyfadaşı Sergey Şoygu belän oçraştı. Anda 14nçe fevral’dä Soçida uzaçaq öç’yaqlı sammitqa äzerlek, Süriyädäge soñğı wäzğıyat’ häm İdlibtäge üzgäreşlär xaqında fiker alıştılar.

“Sabax” gazetı yazğança, “Törek börkete” iñ kamil oçqıç dizaynı bülägen aldı”

“Törek börkete ALPİNA” Awrupanıñ iñ däräcäläre bäygeläre arasına kerüçe “German Design Awards”ta 10 yıldan soñ büläkkä layıq buldı. Oçqıçnıñ cirgä dä, suğa da töşep utıra aluı, öske qanatlı konstrukśiyäse häm ênergiyäne saqlap qullanu üzençälege yuğarı bäyälände.

“Xäbär Türk” gazetı “Antarktika taw toqımnarı Mars tikşerenülärenä çığanaq bulaçaq” dip xäbär itä

İstanbul texnik universitetnıñ geologiyä injenerlığı bülege ğalime Yağmur Günäş Antarktikada fänni tikşerenülären tögälläde. Bilgele bulğança, älege cirlek Mars tikşerenülärenä ürnäk bularaq qullanula. Ğalimneñ qıytğadağı küllär häm qıyalardan alğan materialları qızıl planeta belän bäyle êşçänlekkä öleş kertäçäk.

“Xörriyät” gazetı “Bayburtta êşlänä, 4 qıytğağa cäyelä” digän yazma belän urtaqlaşa

Bayburtta ber fabrika, tabiğıy taşlarnı êşkärtep qısqa waqıt êçendä ähämiyätle uñışqa ireşte. Ul tovarlarnı Amerika, Awrupa, Aziyä häm Afrika qıytğasındağı 16 ilgä sata. Fabrikanıñ citäkçese Nurullax Şäntürk Bayburtnıñ tabiğıy taş rezervları yağınnan bik bay cir astı çığanaqlarına iyä buluın belderde. Bıyılğı maqsatları êksport küğrsätkeçlären 500 meñ dollar däräcäsenä citkerü.   

“Yaña Şäfaq” gazetı xäbär itkänçä, “İstanbulnıñ su astı dön’yağa tanıtılaçaq”

İstanbulnıñ su astı baylıqları bu kiç Cämal Räşit Räy konśert zalında ütäçäk maxsus çarada tamaşaçılarğa täq’dim iteläçäk. Qalanıñ turizm ministrlığı 52 köndä 33 törle noqtada 100dän artıq su astına çumu barışında töşerelgän “İke diñgez ber şähär: su astınnan İstanbul” dip ataluçı dokumental’ fil’mnı kürsätäçäk. Älege çara ber yaqtan su astı turizmın üsterü öçen êtärgeç bulaçaq häm anda yäşäwçe xaywannarnı saqlaw öçen çaqıru bulaçaq.  



Bäyläneşle xäbärlär