Saylawnıñ ciñüçese –“Milli berlek“ partiyäse

Tön’yaq Kipr Törek Cömhüriyätendä waqıtınnan êlek ğomum saylawnıñ räsmi näticäläre açıqlanğan

Saylawnıñ ciñüçese –“Milli berlek“ partiyäse

 

Tön’yaq Kipr Törek Cömhüriyätendä yuğarı saylaw komissiyäse yäkşämbe könne ütkärelgän waqıtınnan êlek ğomum saylawnıñ räsmi näticälären açıqlağan.

Räsmi näticälärgä kürä, pre’myer-ministr Xösäyen Özgürgün räislegendäge “Milli berlek “partiyäse 35,57% tawış cıyıp saylawda ciñügä ireşkän.

 “Cömhüriyätçe törek” partiyäse häm “Demokrat partiya” isä zur külämdä tawış yuğaltqan.

Yuğarı saylaw komissiyäse başlığı Narin Färdi Şäfik saylawda berence bulğan “Milli berlek” partiyäsennän 21,”Cömhüriyätçe törek” partiyäsennän 12,”Xalıq partiyäse”nnän 9, “Cämäğät’çel demokratiya “partiyäsennän 3,”Demokrat partiya”dän 3 häm “Yañadan tuu”partiyäsennän 2 xalıq ışanıçlısınıñ parlamentqa kerügä ireşüen citkergän.

Tön’yaq Kipr Törek Cömhüriyäte parlamentı 2017 nçe yılnıñ 13 nçe noyabrendä bertawıştan waqıtınnan êlek saylaw ütkärü qararı qabul itkän ide.



Bäyläneşle xäbärlär