Qazaqstan Ğazzädä kiñ qırlı çaralar kürergä çaqıra

Qazaqstannıñ Berläşkän Millätlär Oyışması daimi wäkile Kayrat Umarov xalıqara cämäğätçelekne Ğazzädä küp sanda ülemgä säbäp bulğan qırıslıqnıñ tiz arada beterelüe öçen kiñ qırlı çaralar kürergä çaqırdı

Qazaqstan Ğazzädä kiñ qırlı çaralar kürergä çaqıra

Qazaqstan tışqı êşlär ministrlığınnan yasalğan belderügä kürä, Umarov Berläşkän Millätlär Oyışması İminlek şurasınıñ Fälästin maxsus utırışında yasağan çığışında Ğazzä çigendäge fälästinlelärneñ rizasızlıq belderü çaraların bastıru waqıtında yäşängän kümäk räweştä üterü xäbärlären bik borçılıp qarşılawların belderep: "Qazaqstan xalıqara cämäğätçelekne küp sanda ğomer özelügä yul açqan qırıslıq waqiğalarınıñ (waqıyğalarınıñ) tiz arada tuqtatıluı öçen kiñ qırlı çaralar kürergä çaqıram”, - dip äytte.

Taraflarnı kiyerenkelekne arttıruçı xäräkätlärdän taypılu öçen tınıç häm totnaqlı bulırğa çaqıruçı Umarov xalıqara kileşülärgä yaraşlı bularaq Qudüs-Yerusalimneñ tarixi statusınıñ saqlanıp qaluınıñ zarurlığın äytte.

Umarov Qazaqstannıñ Berläşkän Millätlär Oyışması İminlek şurası qararlarına bäyle buluın häm töbäktäge wazğiyätneñ (wazğıyätneñ) säyäsi yullar belän xäl itelüen yaqlawların assızıqlap äytep uzdı.

Amerika Quşma Ştatlarınıñ İzrail ilçelegen Qudüs-Yerusalimgä küçerüe waqıtında Ğazzä çige buyında kilep çıqqan waqiğalarda (waqıyğalarda) 63 fälästinle İzrail iminlek köçläre tarafınnan üterelgän ide.



Bäyläneşle xäbärlär