Xäydär Aliyev turındağı kitap qazaq telenä tärcemä itelgän

Astanada Qazaqstan ilbaşı kitapxanäsendä kitapnı tanıtu kiçäse uzğan

Xäydär Aliyev turındağı kitap qazaq telenä tärcemä itelgän

 

Azärbaycannıñ êlekke liderı Xäydär Aliyevneñ tuuınıñ 95 yıllığı uñayınnan äzerlängän häm kereş süzen Qazaqstan ilbaşı Nursoltan Nazarbayev yazğan “Millätenä yul kürsätüçe” isemle kitap qazaq telenä tärcemä itelgän.

Astanada Qazaqstan ilbaşı kitapxanäsendä kitapnı tanıtu kiçäse uzğan.

Çarada räsmi zatlar,xalıq ışanıçlıları ,uqıtuçı-ğalimnär,çaqırılğan qunaqlar  qatnaşqan.

Kitapnı tanıtu kiçäsendä çığış yasağan Azärbaycan ilbaşınıñ säyäsi häm sośial’ êşlärdän cawaplı urınbasarı Ali Xäsänov ber-bersen tağın da yaqınnan tanu, yaxşı mönäsäbätlär urnaştıru häm berdäm bulıp yäşäw öçen törki xalıqlarnıñ ber-berseneñ qıymmätlären belüläre kiräklegenä basım yasağan.

Xäsänov üzläreneñ dä Qazaqstan İlbaşı Nursoltan Nazarbayev turındağı kitapnı äzarbaycan telenä tärcemä itülären citkergän.

Ali Xäsänov Xäydär Aliyev turındağı kitapnıñ qazaqça dönya kürüeneñ ike il mönasäbätlären üsterügä uñay yoğıntı yasayaçağın assızıqlağan.

Çarada çığış yasawçı ilbaşı kitapxanäse mödire Mähmüd Kasımbäkov kitapnıñ ildäge barlıq belem bürü oyışmaları kitapxanälärenä taratılaçağın häm qazaq uquçılarnıñ Xäydär Aliyevneñ tormışı belän yaqınnan tanışu mömkinlegenä iyä bulaçağın beldergän.

“Millätenä yul kürsätüçe” isemle kitapta Xäydär Aliyevne tanıp belüçe il citäkçeläre ,xökümät başlıqları, tışqı êşlär ministrları,Azärbaycannıñ xäzerge citäkçelege, tanılğan säyäsätçelär ,êş dönyası citäkçeläreneñ istälekläre urın ala.

 



Bäyläneşle xäbärlär