Ärdoğan Kiprda

Törkiyä ilbaşı Räcäp Tayyip Ärdoğan Azärbaycanğa räsmi säfärennän soñ Tön’yaq Kipr Törek Cömhüriyätenä kitte

Ärdoğan Kiprda

Törkiyä ilbaşı Räcäp Tayyip Ärdoğan Azärbaycanğa räsmi säfärennän soñ Tön’yaq Kipr Törek Cömhüriyätenä kitte. Utrawda däwlät başlığı Mostafa Akıncı belän küzgä-küz oçraşu häm êşlekle aştan soñ urtaq matbuğat kiñäşmäse ütkärdelär.

Ärdoğan anda: “Kipr bezneñ milli däğ’wa. Maqsatıbız Kiprda ğadel häm däwamlı çişeleş tabu,”-dide. Ul utrawdağı töreklärneñ azçılıq xälenä kilüenä küz yommayaçaqların belderde.

 Ärdoğan Kiprdağı töreklärneñ iñ zur ixtiyacları bulğan su mäs’äläsen çişülären xäterlätte. Monıñ belän Tön’yaq Kipr strategik yaqtan östenlekkä ireşte häm iq’tisadına zur kertem buldı. Kiläçäktä töbäkne Urta diñgezneñ könçığışında tartım üzägenä äwerelderü häm keşe başına kilüçe milli keremne ike tapqır arttıru maqsatı quyıla.

Ärdoğan belän Akıncınıñ ikeyaqlı oçraşuında bik küp mäs’älälär telgä alındı. Şulay uq xökümät räise Tufan Ärhürman belän êşlekle aş tabınında oçraşıp fiker alışu forsatı çıqtı. Anda greklarnıñ Kiprda üzlären berdänber xuca itep xis itüläre, utrawdağı töreklär belän säyäsi tigezlek nigezendä urtaqlıq tözergä telämäwläre kön üzägendä ide.



Bäyläneşle xäbärlär