Änkarada Öçpoçmaq bäyräme

2018nçe yılnıñ 28nçe üktäbr könne Törkiyä başqalası Änkarada urnaşqan “İdiliya” tatar aşları yortında täwge tapqır Öçpoçmaq bäyräme uzdı

Änkarada Öçpoçmaq bäyräme
Änkarada Öçpoçmaq bäyräme
Änkarada Öçpoçmaq bäyräme

2018nçe yılnıñ 28nçe üktäbr könne Törkiyä başqalası Änkarada urnaşqan “İdiliya” tatar aşları yortında (йортында) täwge tapqır Öçpoçmaq bäyräme uzdı.

Mostafa Gültäkin fotosüräte

Videoyazmanıñ yuğarı sıyfatlısın biredän qarıy alasız

“Törkiyä awazı” radiosınıñ tatar redakśiyäse xezmätkärläreneñ täq’dime häm iniśiativası belän oyıştırılğan çarada Änkara, Antaliya, İzmir häm Sakariyada yäşäwçe millättäşlärebez dä qatnaştı.

“Törkiyä awazı” radiosı xezmätkäre Êlmira İsrafil häm Antaliyada ğomer itüçe Arça yegete, advokat häm şağir Fänis Zıyalı alıp barğan bäyrämdä tatar cırları häm biyüläre başqarıldı.

İzmirdan Möslix Wäli başqaruındağı tatar cırları yaratıp tıñlandı.

Antaliyadan tatar cırçısı Aygöl Söläyman da kiçägä kilüçelärne soqlandırdı.

Öçpoçmaq bäyrämeneñ töp öleşe isä, älbättä, öçpoçmaqnı yasaw bäygese ide.

Sovetlar Berlegeneñ tanılğan balerinası, äni yağınnan tatar bulğan Aysılu Tokumbayeva da xatiräläre belän urtaqlaştı.

Kiçädä qatnaşuçılar arasında tanılğan tatar säyäsätçese, yazuçı häm tarixçı Fäwziyä Bäyrämova da bar ide.

Änkarada berençe märtäbä ütkärelgän Öçpoçmaq bäyräme Törkiyäneñ azatlıq köräşeneñ simvolı bulğan İzmir marşı häm tatarlarnıñ milli simvolı “Tuğan tel” cırı belän tögällände.

Mostafa Gültäkin fotosüräte



Bäyläneşle xäbärlär