Baqıda käxwä häm çäy festivale

Baqıda uzuçı “Käxwä häm çäy festivale”ndä törek käxwäse tanıtıldı

Baqıda käxwä häm çäy festivale

Azärbaycannıñ başqalası Baqıda uzuçı “Käxwä häm çäy festivale”ndä törek käxwäse tanıtıldı. Çarada yaqınça 30 şirkät üz tovarların täq’dim itte. Baqı xalqı festival’gä zur qızıqsınu kürsätä.

Törkiyäneñ Baqıdağı ilçelege älege çarada törek käxwäse belän sıyladı. Qatnaşuçılar xuş isle êçemlek yanınnan tınıç qına ütep kitä almadı. Törkiyä stendı yanında şaqtıy xalıq cıyılğan ide. Alar käxwä tışında saläp häm törle täm-tom tatıp qaradı.

Festival’gä kilüçelärgä, monnan tış, Törkiyäneñ turizm urınnarı turında kitap häm broşyüralar taratıldı.  

Törkiyäneñ Baqı ilçelege mädäniyät häm tanıtu bülege mödire İrfan Çiftçi 500 yıllıq tarixı bulğan êçemlekneñ dön’yada berençe bulıp törek käxwäse bularaq tanıluın söyläde. Ul käxwäneñ üz tiräsendä ayırım ber tormış räweşe, mädäniyät barlıqqa kiterüen assızıqladı. Çiftçi añlatqança, Awrupa käxwäneñ ähämiyäten Törkiyädän 300 yıl soñğaraq qalıp kürep alğan. “Käxwä töreklär belän tiñdäşläşkän êçemlek. 500 yıllıq bik zur mädäniyät. Käxwä törek turizmında da bik ähämiyätle. İlebezne käxwäneñ töp watanı bularaq täq’dim itäbez,”-dide ul.

Käxwä häm çäy êşlänmäläre täq’dim itelüçe, barmennar arasında yarışlar oyıştırıluçı festival’ 3 kön däwam itäçäk.



Bäyläneşle xäbärlär