"Qayber konsullıklarda agentlar bar"

Törkiyӓ ilbaşı bu turıda Serbiyadan qaytqanda belderde

"Qayber konsullıklarda agentlar bar"

Törkiyӓ ilbaşı Rӓcӓp Tayyip Ӓrdoğan Amerika Quşma Ştatlarınıň Törkiyӓdӓge qayber konsullıklarda agentlarnıň buluın ӓytte.

İlbaşı tübӓndӓgeçӓ citkerde: “Konsullıklarda Fetullahçı terror oyışması agentları bar. Alar diplomat tügel, agent. Oxşaş agentlar xӓzerge waqıtta Amerikada da bar. Ul agentlar da kongres belӓn bik yış êlemtӓ êçendӓ. Barlıq bolar çınbarlıq. FETÖnıň töp agentı Pensil’vaniyada.”

Ӓrdoğan rӓsmi sӓfӓr belӓn kitkӓn Serbiyadan qaytqanda kön tӓrtibenӓ bӓyӓ birde.

AQŞ belӓn barlıqqa kilgӓn viza krizisınnan cawaplınıň Ӓnkara ilçese Djon Bass buluın qabatlağan ilbaşı qayber konsullıklarda agentlarnıň buluın belderde.

Törkiyӓ ilbaşı Rusiyӓdӓn S-400 raketa saqlanu sistemasın satıp alu belӓn bӓyle sorawğa: “S-400lӓr belӓn bӓyle problema yuq. Berençe paketta urtaq citeşterü bulmayaçaq. Lӓkin ikençe pakettan başlap urtaq citeşterü adımnarın yasayaçaqbız inşallah. Xörmӓtle Vladimir Putin belӓn söylӓşülӓrebezdӓ êne S-400lӓr belӓn beterergӓ uylamıybız. S-500lӓr belӓn bӓyle söylӓşülӓrebez dӓ buldı,” – dide.



Bäyläneşle xäbärlär