"Trakya möselmannarına ayırıp qarıylar"

Ӓrdoğan Greŝiyada açıqlaw yasadı

"Trakya möselmannarına ayırıp qarıylar"

Törkiyӓ ilbaşı Ӓrdoğan rӓsmi sӓfӓr belӓn kitkӓn Greŝiyada Lozanna kileşüe mӓs’ӓlӓsendӓ haman da aňlaşılmawçı qayber neçkӓleklӓrneň buluın ӓytte.

Ӓrdoğan grek xezmӓttӓşe Prokopis Pavlopulo belӓn bergӓ urtaq açıqlaw yasadı.

Törkiyӓ Cömhüriyӓteneň Azatlıq suğışınnan soň Berlӓşkӓn Patşalıq, Franŝiya, İtaliya, Yaponiya, Greŝiya, Rumıniya, Bolgariya, Portugaliya, Bel’giya hӓm Yugoslaviya belӓn 1923tӓ imzalağan Lozanna kileşüe mӓs’ӓlӓsendӓ haman da aňlaşılmawçı qayber neçkӓleklӓrneň buluın assızıqlağan Ӓrdoğan Könbatış Trakyadağı möselmannarnıň haman da möftilӓren saylıy almawın ürnӓk itep kürsӓtte.

Ӓrdoğan: “İnvestiŝiya mӓs’ӓlӓsendӓ, yasaluı zarur adımnar mӓs’ӓlӓsendӓ kirӓkle xuplaw könbatış Trakya möselmannarına kürsӓtelmi, ayırıp qaraw bar. Törkiyӓdӓ greklarğa qarata mondıy ayırıp qaraw yuq. Ğibadӓtxanӓlӓr mӓs’ӓlӓsendӓ separatizm turında süz dӓ barmıy, lӓkin Könbatış Trakyada törek süzeneň yazıluına da çıdıy almıylar,” – dide.



Bäyläneşle xäbärlär