Stoltenberg Änkarada söyläşülär ütkärä

NATO Ğomum särkätibe Stoltenberg Änkarada söyläşülär ütkärä

Stoltenberg Änkarada söyläşülär ütkärä

NATO Ğomum särkätibe Yans Stoltenberg Törkiyä başqalası Änkarağa kilde.

Stoltenberg Milli saqlanu ministrı Nuretin Canikli tarafınnan xärbi tantana belän qarşı alındı.

Soñınan wäkilleklärara söyläşülär başladı.

Canikli oçraşu aldınnan NATO Ğomum särkätibenä: "Terrorçılıq belän köräştä sez kürsätkän añlayış häm yaqlaw öçeb räxmät”, - dip äytte.

İke yaqlı häm wäkilleklärara söyläşülärdän soñ Stoltenberg Tışqı êşlär ministrı Mäwlüt Çavuşoğlu belän küreşep söyläşte.

Oçraşular waqıtında terrorçılıq belän köräş, Törek qorallı köçläreneñ Süriyäneñ Afrin töbägendä “PKK/KCK/PYD-YPG” häm “DEAŞ” separatist terror oyışması äğzalären täêsirsez xälgä kiterü, dus häm qardäş töbäk xalqın basımnan häm zolımnan qotqaru öçen 20nçe ğinwarda başlatqan “Zäytün botağı”xäräkäte, Törkiyä-NATO mönäsäbätläre, 2018 Bryussel’ sammitına äzerleklär häm regional’ mäs’älälär söyläşelä.

Säfär waqıtında Amerika Quşma Ştatları, Franśiya häm Angliyanıñ Süriyädä Äsäd rejimına qarşı operaśiyası da quzğatıla.

Stoltenbergnı İlbaşı Räcäp Tayyip Ärdoğan da qabul itäçäk.



Bäyläneşle xäbärlär