Ӓrdoğan - Papa söyläşüe

Söyläşüdä Ğazzädä barlıqqa kilgӓn kiyerenkelek qaraldı

Ӓrdoğan - Papa söyläşüe

Törkiyӓ ilbaşı Ӓrdoğan Papa Franśisk belӓn telefonda söylӓşte.

İlbaşı idarӓse çığanaqlarınnan alınğan mӓğlümatqa kürӓ söylӓşüdӓ yӓhüdlӓr, xristiyannar hӓm möselmannar tarafınnan izge bulıp sanaluçı Qudüs-Yerusalimdağı soñğı tӓraqqıyӓt’lӓr hӓm Ğazzӓdӓ fӓlӓstinle protestçılarnıñ maqsat itep alınuı nӓticӓsendӓ barlıqqa kilgӓn kiyerenkelek qaraldı.

Yerusalim statusı bozıluınıñ qabul itelmӓslek buluın beldergӓn Ӓrdoğan Ğazzӓdӓ yaqlawsız fӓlӓstinlelӓrgӓ qarata başqarıluçı keşeleksez höcümnӓrneñ hӓm keşe ülemnӓreneñ oyatqa qaldıruına işarӓt itte.

Törkiyӓneñ çirattağı rӓise bularaq 18 may könne İstanbulda İslam xezmӓttӓşlek oyışmasın çirattan tış cıyaçağın ӓytkӓn ilbaşı BMO darӓcӓsendӓ dӓ mӓs’ӓlӓne küzӓtep barunıñ bik möhim buluın assızıqladı.

Barlıqqa kilgӓn waqiğalarğa borçıluın citkergӓn Papa Franśisk ta tınıçlıq öçen Qudüs-Yerusalim maxsus status alaçaq ike dӓwӓtle çişeleşneñ şart buluın belderde.

Ğayepsez keşelӓrneñ maqsat itep alınuınıñ hӓm keşelӓrneñ ğomeren özüneñ qabul itelmӓslek buluın citkergӓn Papa xalıqara cӓmӓğatçelekneñ problemanı çişӓr öçen BMO dӓrӓcӓsendӓ zarur bulğannı başqarırğa tiyeş buluın ӓytte.

Papa Franśisk Ramazan ayı uñayınnan Ӓrdoğanğa yaxşı telӓklӓren citkerde.



Bäyläneşle xäbärlär