“Prokurornıñ süzlärennän qanäğät’ qalmadıq”

Bu xaqta Törkiyä tışqı êşlär ministrı Mäwlüt Çavuşoğlu belderde

“Prokurornıñ süzlärennän qanäğät’ qalmadıq”

 

Törkiyä Soğud Ğaräbstanı baş prokuraturasınıñ Cämal Qaşıqçı cinayäte belän bäyle belderüennän qanäğät’ qalmadı.

Törkiyä tışqı êşlär ministrı Mäwlüt Çavuşoğlu Soğud Ğaräbstanı baş prokuraturasınıñ bu cinayät’ belän bäyle açıqlawına bäyä birde.

Çavuşoğlu:”Baş prokuror bu xaqta beldergänçe Soğud Ğaräbstanı tışqı êşlär ministrı Adil Äl Cubär miña şaltırattı,yartı säğät’ êlek prokurornıñ älege mäs’älä turında belderü yasayaçağın äytte”,-dide.

Soğud Ğaräbstanı baş prokurorı süzläreneñ üzlären qanäğät’ländermäwen beldergän Çavuşoğlu:” Qaşıqçınıñ mäyete qayda? Üterü boyırığın birüçelärne tabarğa kiräk. Bu êşne yomıp qaldıru mömkin tügel. Xazerge waqıtta 11 keşeneñ saq astında buluın beläbez. Êlegräk 18 keşe saq astına alınğan ide. 11 keşedän 5 senä ülem cäzası turında süz bara. Qalğan keşelär nigä irekkä cibärelde? Qaşıqçınıñ ilenä kire qaytuğa ayaq teräp qarışqanı öçen cinayät’ êşlänüe äytelä. Yuğisä bu cinayät’ aldan planlaştırılğan. Mäyetne kisäklärgä bülü ul minutta uylanılğan êş tügel. Anı üterep kisäklärgä bülgäläw öçen kiräkle äyberlär konsullıqqa aldan kiterelgän”,-dide.

Cämal Qaşıqçı 2 nçe oktyabr’dä Soğud Ğaräbstanınıñ İstanbuldağı konsullığında üterelgän ide.



Bäyläneşle xäbärlär