"Törek ağımı barıbız öçen uňaylıq"

Soňğı torba Ӓrdoğan hӓm Putinnıň ӓmere belӓn Qara diňgezgӓ töşerelde

"Törek ağımı barıbız öçen uňaylıq"

Törek Ağımı proyektınıň diňgezdӓn uzuçı öleşeneň tӓmamlanuı uňayınnan Ӓrdoğan belӓn Rusiyӓ Federaŝiyase dӓwlӓt başlığı Vladimir Putin qatnaşında İstanbul Kongress üzӓgendӓ tantana oyıştırıldı.

Ӓrdoğan çığışında tübӓndӓgeçӓ citkerde: “Törek ağımı ilebez hӓm xalqıbız öçen genӓ tügӓl, ӓ kürşe illӓr hӓm töbӓk öçen dӓ uňaylıq tudıra.”

Törkiyӓ ilbaşı Törek ağımı proyektınıň 2019 yılda ütkӓrelӓçӓk testlardan soň êşçӓnlek kürsӓtӓçӓgen ӓytte.

Putin isӓ çığışında: “Rusiyӓ hӓm Törkiyӓ bularaq ênergetika ölkӓsendӓ xezmӓttӓşlekne ozaq yıllar dӓwamında uňışlı rӓweştӓ başqarabız. Törek Ağımı Törkiyӓne möhim tabiği gaz üzӓgenӓ ӓylӓnderӓçӓk,” – dide.

Putin Ӓrdoğanğa sӓyӓsi iradӓ hӓm qıyulığı öçen rӓxmӓten belderde.

Çığışlardan soň Törek Ağımı proyektınıň diňgezdӓge öleşenӓ urnaştırılaçaq soňğı torba Ӓrdoğan hӓm Putinnıň ӓmere belӓn Qara diňgezgӓ töşerelde.



Bäyläneşle xäbärlär