تهران بلدیه باشقانی استعفا ائتدی

نجفی، تهران‌دا بلدیه باشقانی وظیفه‌سینی اؤتن ایل سئچیم نتیجه‌سین‌ده محافظه‌کار محمد باقر قالیباف‌دان تحویل آلمیشدی

تهران بلدیه باشقانی استعفا ائتدی

ایران‌دا اصلاحات‌چی کیملیگی ایله تانینان تهران بلدیه باشقانی محمد علی نجفی استعفا ائتدی.

ایران رسمی خبر آژانسی ایرنایا گؤره، تهران شورا مجلسینین عضوو احمد مسجدجامعی،نجفی‌نین استعفا دیلکچه‌سینی شورا مجلسینه وئردیگینی سؤیله‌دی.

مسجدجامعی، مسئله‌نین شورا مجلسین‌ده گئچیریله‌جک اوتورومدا مذاکیره اولوناجاغینی قئید ائتدی.

نجفی، اؤتن هفته "اولوسلارآراسی قادینلار گونو" موناسیبتی ایله تهران بلدییه‌سی طرفین‌دن میلاد بورجوندا گئچیریلن و ۸-۱۰ یاشلارین‌داکی قیز اوشاقلارینین رقص ائتدیگی پروگراما قوشولدوغو اوچون اؤلکه‌ده‌کی محافظه‌کارلار طرفین‌دن تنقید ائدیلمیش، باش ساوجیلیق دا پروگراملا باغلی سوروشدورما آچمیشدی.

ایران‌دا اصلاحات‌چی کیمی تانینان نجفی، گئچمیش پرزیدنتلر میر حسین موسوی و علی اکبر هاشمی رفسنجانی دؤورلرین‌ده ۹ ایل میلی ائییتیم باخانلیغی وظیفه‌سینی یئرینه یئتیرمیشدی.

نجفی، ایران پرزیدنتی حسن روحانینین ایلک دؤورون‌ده یئنه میلی ائییتیم باخانی اولاراق تکلیف ائدیلمیش، آنجاق مجلیس‌دن گوون اویو آلمامیشدی.

نجفی، تهران‌دا بلدیه باشقانی وظیفه‌سینی اؤتن ایل سئچیم نتیجه‌سین‌ده محافظه‌کار محمد باقر قالیباف‌دان تحویل آلمیشدی.



ایلگیلی‌لی خبرلر