روحانی‌دان ایسرائیل و آمریکایا اعتراض

حسن روحانی، آمریکانین تل-آویو سفیرلیگینی قودسه داشیماسی‌نین، بیرلشمیش میللت‌لر تشکیلاتی‌نین (بمت) قرارلارینا ضد اولدوغونو بیل‌دیره‌رک بؤلگه‌نین باریش و ثابت‌لیگینه ضرر وئرجگینی سؤیله‌دی

روحانی‌دان ایسرائیل و آمریکایا اعتراض

روحانی‌دان ایسرائیل و آمریکایا اعتراض

ایران پرزیدنتی حسن روحانی، آمریکانین تل-آویو سفیرلیگینی قودسه داشیماسی‌نین، بیرلشمیش میللت‌لر تشکیلاتی‌نین (بمت) قرارلارینا ضد اولدوغونو بیل‌دیره‌رک بؤلگه‌نین باریش و ثابت‌لیگینه ضرر وئرجگینی سؤیله‌دی.

ناظیرلر کابینه‌سی‌نین توپلانتی‌سیندا دانیشان روحانی، آمریکا و ایسرائیلین "سیاسی اویون‌لارلا" دونیا موسلمان‌لارینی قودس‌دان آییرما تلاشی ایچینده اولدوغونو بیلدیریب.

آمریکانین تل-آویو سفیرلیگینی قودسه داشینماسی‌نین، بمت قرارلارینا ضد اولدوغونو بیل‌دیرن روحانی، بو تشببوسون بؤلگه نین باریش و ثابت‌لیگینه ضرر وئرجگینی ایفاده ائتدی.

روحانی،

صیونیست رژیم و آمریکا، فیلیسطین خالقینا داها چوخ باسقی ایجرا ائده‌رک، قانونی حاقلاریندان‌ محروم ائده بیله‌جکلرینی، یا دا دونیا موسلمان‌لارینی اؤز تورپاقلاریندان‌، یعنی قودس‌دن آییرا‌جاق‌لارینی گومان ائدیرلر. بو آپاردیق‌لاری بؤیوک بیر ختا‌دیر. قودس، سیاسی اویون‌لارلا بیر یاریم میلیاردلیق اها‌لییه صاحب دونیا موسلمانلاریندان‌ آیریلماز." دئدی.

ایسرائیلین غزه‌دکی سالدیریلارینا دا توخونان روحانی،

نکبه گونونده موسلمان فیلیسطین خالقی اللری بوش بیر شکیلده میدان‌لارا چیخدی‌لار. هر کس صیونیست‌لرین سیلاح‌سیز وطنداش‌لارا حقیقی گولله‌لرله آتش آچدیغینی گؤردو. فیلیسطینین مظلوم و آزاد خالقینی قانا بولادی‌لار و اونلارلا اینسانی قتله یئتیره‌رک مین‌لرله اینسانی یارالادی‌لار." دئیه دانیشدی.

چیخیشیندا آمریکانین اولکه‌سینه یؤنلیک یئنی تحریم قرارلرینه توخونان ایران پرزیدنتی، تحریم و ساواش تهدیدلرینه تسلیم اولمایاجاقلارینی سؤیله‌دی.

روحانی،

ایران خالقینی باسقی، تحریم و ساواش تهدیدی تسلیم آلا‌جاق‌لارینی دوشونورلر آنجاق ایران خالقی‌نین مقاومتی و قرارلی دوروشو بو فیکرین یانلیش اولدوغونو گؤستردی." شکلینده دانیشدی.



ایلگیلی‌لی خبرلر