ایران: وئریلن امتیازلاردان محروم قالار

رضوانیان: ایران‌دان نفت وارداتینی دوردورماسی حالین‌دا تهران‌دان وئریلن اؤزل ایمتیازلاری ایتیرجک

ایران: وئریلن امتیازلاردان محروم قالار

ایران، هیندیستان حکومتینین اؤزلرین‌دن نفت وارداتینی دوردورماسی حالین‌دا بو اؤلکه‌یه تطبیق اولونان اؤزل ایمتیازلارا سون وئره‌جکلرینی آچیقلادی.

ایران مطبوعاتینا عکس اولونان خبرلره گؤره، ایرانین یئنی دهلی ایش‌گودری(گئچیجی ایشلر وکیلی) مسعود رضوانیان، هیندیستانین آمریکانین باسقیلاری نتیجه‌سین‌ده ایران‌دان نفت وارداتینی دوردورماسی حالین‌دا تهران‌دان وئریلن اؤزل ایمتیازلاری ایتیرجگینی بیلدیردی.

رضوانیان،

"اگر هیندیستان، ایران نفتی یئرینه عربیستان، روسیا، عراق و آمریکا کیمی اؤلکه‌لردن نفت وارد ائتسه تهران طرفین‌دن تامین اولونان ایمتیازلاردان محروم قالاجاق‌دیر" دئدی.

آمریکانین متفیقلرینه ائتدیگی ایران‌دان نفت وارداتینین دوردورولماسینا یؤنه‌لیک باسقیلارا توخونان رضوانیین، اؤلکه‌سینین هیندیستان اوچون "گوونلی انرژی اورتاغی" اولدوغونو دئدی.

هیندیستانی استراتژیک چابهار لیمانینین گلیشدیریلمه‌سی پروژه‌سینه قارشی وئردیگی سؤزلری بو آنا قدر یئرینه یئتیرمدیگی سببیله ده تنقید ائد‌ن ایران‌لی دیپلومات، پروژه‌نین استراتژیک جهت‌دن اؤنمینه دقت چکدی.

رضوانیان، پروژه‌نین باشا چاتدیریلماسی اوچون هیندیستانین لازیم اولان آددیملار آتماسینی گؤزلدیکلرینی دیله گتیردی.



ایلگیلی‌لی خبرلر