هر آی مین پاتلاماسی ۱۸۰ جان آلیر
"افغانستان‌داکی اراضیلرده اولان مین و بومبالار اوزوندن هر آی اورتالاما ۱۸۰ نفر حیاتینی ایتیریر"
افغانستان‌دا هر آی مین‌دن ۱۸۰ نفر حیاتینی ایتیریر.
افغانستان مین تمیزله‌مه مرکزینین باشقانی محمد شهاب حکیمی، مینلی اراضیلرله باغلی معلوماتلان‌دیرما ائدیلمه‌دیگینه دقت چکه‌رک،
"افغانستان‌داکی اراضیلرده اولان مین و بومبالار اوزوندن هر آی اورتالاما ۱۸۰ نفر حیاتینی ایتیریر" دئدی.
افغانستان مین تمیزله‌مه مرکزین‌دن آلینان معلوماتا گؤره، ایچ ساواشلاردان قالما مینلرین پاتلاماسی نتیجه‌سین‌ده حیاتینی ایتیره‌نلرین چوخونو اوشاقلار تشکیل ائدیر.
افغانستان، مین و پاتلامامیش مهماتلارین تهدید یاراتدیغی اؤلکه‌لر آراسین‌دا دؤردونجو یئری توتور.
افغانستان حوادثدن سورملو دؤولت باخانی نجیب فهیم ایسه افغانستان‌دا ۲ مین ۵۰۰ مربع کیلومتردن چوخ اراضینین مینلردن تمیزلندیگینی دئدی.
مین تمیزله‌مه ساحه‌سین‌ده چالیشان خاریجی قوروملارین دستکلرینین آزالدیغینا ایشاره ائد‌ن فهیم، اؤلکه‌ده هله ده یوز مینلرجه مین و پاتلامامیش بومبا اولدوغونو وورغولادی.
فهیم،
"سون ۳۰ ایلده اؤلکه‌نین مختلیف یئرلرین‌ده ۱۹ میلیون مین و پاتلامامیش بومبا آشکار ائدیله‌رک ائتکیسیزلشدیریلدی" دئیه دانیشدی.
افغانستان معلوللار شوراسی باشقان معاوینی بشیر دیره ده بومبالار، مینلر و چاتیشمالار سببیله اؤلکه‌ده ۱ میلیون معلول اولدوغونو دئدی.
