خوزستان سالدیریسی فاعللری یاخالاندی

خوزستان ایالتین‌ده ۳ گوونلیک گؤره‌ولی‌سی اوغرادیغی سلاح‌لی سالدیری نتیجه‌سین‌ده حیاتینی ایتیرمیشدی

خوزستان سالدیریسی فاعللری یاخالاندی

ایرانین خوزستان ایالتی پلیس رئیسی حیدر عباس‌زاده، ایکی هفته اؤنجه خوزستان‌دا ۳ گوونلیک گؤره‌ولی‌سینین اؤلدورولدویو سالدیری ایله باغلی ۹ نفرین گؤزآلتینا آلیندیغینی بیلدیردی.

عباس‌زاده،

"خوزستان ایالتی پلیس ایداره‌سی ایله استخبارات باشقانلیغینین اورتاق عملیاتی نتیجه‌سین‌ده ماهشهر شهرین‌ده ایکی هفته اؤنجه بیری عسگر، ایکیسی پلیس ۳ گوونلیک گؤره‌ولی‌سینین اؤلدورولدویو سالدیری ایله باغلی ۹ نفر گؤزآلتینا آلیندی" دئدی

عباس‌زاده، شبهه‌لیلرله بیرلیک‌ده سالدیری اثناسین‌دا ایستیفاده ائدیله‌ن ایکی سلاح و بیر مینی‌بوسون ده اله گئچیریلدیگینی بیلدیردی.

ایرانین گونئی دوغوسونداکی خوزستان ایالتین‌ده ۲۶ ژانویه‌ده ۳ گوونلیک گؤره‌ولی‌سی اوغرادیغی سلاح‌لی سالدیری نتیجه‌سین‌ده حیاتینی ایتیرمیشدی.

ماهشهر شهرین‌ده صدوقی جاده‌سین‌ده بیر ماشینین ایچین‌دن ائدیلن آتیش نتیجه‌سین‌ده اؤلدوروله‌ن گوونلیک گؤره‌ولی‌لریندن بیرینین عسگر، دیگر ایکی‌سینین ایسه پلیس اولدوغو آچیقلانمیشدی.



ایلگیلی‌لی خبرلر