یالان خبرلر داها سرعتله یاییلیر

آراشدیرما، یالان خبرلرین سوسیال مئدیا ایستیفاده‌چیلری طرفین‌دن پایلاشیلما احتیمالینین یوزده ۷۰ داها یوکسک اولدوغونو گؤستردی

یالان خبرلر داها سرعتله یاییلیر

 

آمریکادا آپاریلان بیر آراشدیرما، سوسیال مئدیا ایستیفاده‌چیلری آراسین‌دا یالان خبرلرین دوغرو خبرلردن داها سرعتله یاییلدیغینی اورتایا قویدو.

سوسیال پایلاشیم سایتی تویترین ماساچوست تکنولوژی انستیتوسو ایله آپاردیغی گئنیش آراشدیرما چرچیوه‌سینده ۲۰۰۶ ایله ۲۰۱۷ ایللرین‌ده تویترده پایلاشیلان یوز مینلرله خبر آراشدیریلدی.

آراشدیرما، بو تاریخ آرالیغیندا ۱۲۶ مین یالان خبرین تخمیناً اوچ میلیون اینسان طرفین‌دن یاییلدیغینی، یالان خبرلرین سوسیال مئدیا ایستیفاده‌چیلری طرفین‌دن پایلاشیلما احتیمالینین یوزده ۷۰ داها یوکسک اولدوغونو گؤستردی.

آیریجا دوغرو خبرلرین، مین ۵۰۰ نفره چاتما سرعتینین یالان خبرلردن ۶ دفعه اوزون سوردویو معین ائدیلدی. متخصصلر، یانلیش بیلگیلندیرمه‌نین داها سرعت‌لی یاییلماسینین سببینی، "داها فانتاستیک و شوک ائدیجی اولماسی" سؤزلری ایله دگرلندیردی.

آراشدیرمانین نتیجه‌لری، "ژورنال اوف ساینس" درگیسینده یاییملاندی.



ایلگیلی‌لی خبرلر