چین‌دن مصنوعی ذکا حمله‌سی

چین، کیلید تکنولوژی‌لرده آددیم‌لاری سرعتلن‌دیرمک اوچون مصنوعی ذکا ایشلرینه دایر ماتریال درج ائده‌رک، بو ساحه‌ده اطراف‌لی تدبیرلر کئچیره‌جک

چین‌دن مصنوعی ذکا حمله‌سی

چین‌دن مصنوعی ذکا حمله‌سی

چین، کیلید تکنولوژی‌لرده آددیم‌لاری سرعتلن‌دیرمک اوچون مصنوعی ذکا ایشلرینه دایر ماتریال درج ائده‌رک، بو ساحه‌ده اطراف‌لی تدبیرلر کئچیره‌جک.

چین بیلیم و تکنولوژی باخانی وان گانگ، داوام ائدن چین میلّی خالق کونگره‌سی‌نین ایللیک توپلانتی‌لاری چرچیوه‌سینده کئچیردیگی مطبوعات کونفرانسیندا اؤلکه‌دکی یئنی نسیل مصنوعی ذکا آراشدیرما‌لاری‌نین تشویق ائدیله‌جگینی بیلدیریب.

امنیت، ساغلیق و چئوره کیمی ساحه‌لرده پروبلم‌لرین حلّینده مصنوعی ذکا اینکیشاف ائتدیرمک تلاش‌لارینی دستکلیه‌جگیک" دئین وان، حکومت اولا‌راق یئرلی مصنوعی ذکا شیرکت‌لری و آراشدیرما-گلیشدیرمه قوروم‌لارینا اولوسلار آراسی ایش بیرلیگی قورما‌لاریندا دا یاردیمچی اولا‌جاق‌لارینی سؤیله‌دی.

وان، بو ساحه‌ده گؤروله‌جک ایشلره رهبر اولا‌جاق بیر مصنوعی ذکا ماتریال‌لاری یاینلایاجاقلارینی بیل‌دیره‌رک، سوسیال اتیک، ایش فورماتی، شخصی محرمیت و میلّی امنیت مسئله‌لری کونتکستینده باغلی قانون و اساسنامه‌لرین ده ان قیسا زاماندا حیاتا کئچیریله‌جگی وورغولاییب.

چین دولت شوراسی طرفین‌دن ژوئیه آییندا درج اولونان بیر راپوردا، مصنوعی ذکا صنایعسی‌نین اینکیشافدا یئنی تکان اولا بیله‌جگی وورغولانمیشدی.

راپورا، چین، مصنوعی اینتئللکت ساحه‌سینده 2020یه قدر اهمیت‌لی بیر اینوواسیون مرکزی حالینا گلمگی و 2030 اعتباریله ده بو ساحه‌ده دونیانین لیدری اولماغی هدفلییر.



ایلگیلی‌لی خبرلر