استیون هاوکینگ اؤلدو

آلبرت اینشتیندن سونراکی ان بؤیوک داهی قبول ائدیله‌ن مشهور فیزیکچی دونیا "پی" گونو قبول ائدیلن ۱۴ مارس گونو حیاتا وداع ائتدی

استیون هاوکینگ اؤلدو

مشهور اینگیلیس فیزیکچی استیون هاوکینگ ۷۶ یاشین‌دا حیاتینی ایتیردی.

عائله‌سی طرفین‌دن وئریلن آچیقلامادا، هاوکینگین کمبریجده‌کی ائوین‌ده سحره یاخین حیاتینی ایتیردیگی بیلدیریلدی. مشهور فیزیکچینین اؤلوم خبرینی، اوشاقلاری لوسی، تیموتی و روبرت بیلدیردی. اوشاقلاری آدینا وئریلن اورتاق آچیقلامادا "بابامیزین وفاتین‌دان اؤترو بؤیوک کدر دویوروق. او بؤیوک بیر بیلیم آدامی ایدی" دئییلدی.

هاوکینگ، آمیوتروفیک لاترال سکلروز (آلس) سببیله بد‌نینین هارداسا هئچ بیری حرکت ائتمیردی آنجاق اونون اوچون اؤزل اولاراق گلیشدیریلن بیر بیلگی‌سایار سیستمی رابطه قوروردو. بیلگی‌سایارا یاناق عضله‌لرین‌ده بیریله امر وئر‌ن هاوکینگ، بو شکیل‌ده گون‌ده تخمیناً ۲ مین ۵۰۰ سؤزله ارتباط قورور و علمی ایشلرینی داوام ائتدیریردی. هاوکینگ، کوانتوم فیزیکی و قارا دلیکلر اوزرینه ائتدیگی گئنیش چالیشمالارلا تانینیردی.

هاوکینگ گچن ایل اینگیلیز کامو یایین قورولوشو بی‌بی‌سی‌یه وئردیغی مصاحبه‌ده ۷۵ یاشینا قدر یاشایاجاغینی هیچ دوشونمه‌دیگینی، تجربه‌سینی هله ده یانسیدابیلدیگی اوچون اؤزونو شانس‌لی حس اتدیگینی دیله گتیرمیشدی. ۲۱ یاشیندایکن اونا موتور-نورون خسته‌لیگی تشخیصی قویولدوغونو و ایکی یا دا اوچ ایل ایچینده حیاتینی ایتیره‌جگینین سؤیلندیگینی بیلدیرن هاوکینگ، بوندان ۵۴ ایل سونرا داها گوج‌سوز اولسا دا حالا چالیشدیغینی و بیلیمسل مقاله‌لر اورتایا قویدوغونو آنلاتمیشدی.

آلبرت اینشتیندن سونراکی ان بؤیوک داهی قبول ائدیله‌ن مشهور فیزیکچی دونیا "پی" گونو قبول ائدیلن ۱۴ مارس گونو حیاتا وداع ائتدی.

 



ایلگیلی‌لی خبرلر