تورک دکترون اؤنملی باشاریسی

دکتر انور گورحان قیلینچ، باکتریلری و اونلاری یوخ ائد‌جک ویروسلاری سرعت‌لی معین ائد‌ن و فاژ معالیجه‌سین‌ده ده ایستیفاده ائدیله‌جک میکروچیپ اورتدی

تورک دکترون اؤنملی باشاریسی

کانادا تورونتو اونیورسیته‌سین‌ده آنتی‌بیوتیکلره دیرنج/مقاومت گؤستره‌ن باکتریلر اوزرین‌ده چالیشان تورک بیلیم اینسانی دکتر انور گورحان قیلینچ، باکتریلری و اونلاری یوخ ائد‌جک ویروسلاری سرعت‌لی معین ائد‌ن و فاژ معالیجه‌سین‌ده ده ایستیفاده ائدیله‌جک میکروچیپ اورتدی.

قیلینج، اورتیلن میکروچیپین، معالیجه‌لرده هم خرج، هم ده زامان قناعتی باخیمین‌دان اؤنملی فاتقیلار وئردیگینی بیلدیردی.

میکروچیپ خرجینین ۱ کانادا دلارین‌دان آز اولدوغونو سؤیله‌ین قیلینج،

"تورونتو اونیورسیته‌سین‌ده‌کی چالیشمامیز ۲۰۱۵ده باشلادی. چالیشمامیز نتیجه‌سین‌ده داها اؤنجه ۲۰ ایله ۳۰ دلار دگری اولان باکتریلری و اونلارلا مباریزه ائد‌جک ویروسلاری تثبیت ائتمه آراشدیرماسینی ۱ دلارین آلتینا ان آز ۲ گون اولان آراشدیرما مدتینی ده ۱۵ دقیقه کیمی قیسا بیر زامانا ائندیردیک" ایفاده‌لرینی ایشله‌تدی.

بو میکروچیپ، باکتریلر اوزرین‌ده‌کی تأثیرلری هر گئچن گون آزالان آنتی‌بیوتیک معالیجه‌سینه آلتئرناتیو اولاراق اورتایا چیخان فاژ معالیجه‌سین‌ده اؤنم‌لی بیر مرحله اولاجاغینی دیله گتیر‌ن قیلینج،

"یاپدیغیمیز چیپلر فاژ و باکتری قارشی‌لیق‌لی ائتکیله‌شیمینی گئرچک زامان‌لی تعقیب ائدیب باکتری پارچالانماسینی معین ائدیر. بو مقصدله حاضیرلادیغیمیز جیهاز، فاژلار واسطه‌سی ایله باکتریلری تثبیت ائد‌ن تانی/تشخیص آراجی کیمی فعالیته گئچه‌جک. میکروچیپ سیستمیمیز، یوک‌لنن ویروسلا باکتریلری ۱۵ دقیقه‌ده مقایسه ائد‌رک، هانسی ویروسون هانسی باکتری اوزرین‌ده تأثیرلی اولدوغونو، یاشیل ایشیق و سس اویاریسی ایله خبر وئریر" دئیه دانیشدی.

آنتی‌بیوتیکلره دیرنجی اولان بیر چوخ باکتری اورتایا چیخدیغینی، بو باکتریلرین سبب اولدوغو خسته‌لیکلرین بعضیلرینین اؤلوملره سبب اولدوغونو، بو سبب‌دن بیلیمین آلتئرناتیو یوللار آختاردیغینی بیلدیر‌ن قیلینج، فاژ معالیجه‌سینین ده سون زامانلارین ان تأثیرلی معالیجه اصوللارین‌دان بیری حالینا گلدیگینی وورغولادی.

باکتریوفاژ، یونانجا باکتری ایله فاژ سؤزلرین‌دن اولوشان و باکتری یئیه‌ن ویروس معناسینا گلیر.

بیلیم دونیاسین‌دا قیساجا فاژ کیمی تانینان بو معالیجه یولو، آنتی‌بیوتیکلره آلتئرناتیو اولاراق ایستیفاده ائدیلیر.

فاژ معالیجه‌سی باکتئریوفاژلار قوللانیلاراق پاتوژنیک باکتری خسته‌لیکلرینی معالیجه ائتمک اوچون ایستیفاده ائدیلن بیر یؤنتم اولاراق دا بیلینیر.

فاژلار آنتی‌بیوتیکلردن داها سپسیفیک اولدوقلاری اوچون یالنیز میزبان باکتری حجره‌سینه سالدیرما اؤللیگینه صاحبدیرلر. بو دا دیگر باکتریلرین فاژ دیرنجی قازانماسینی یاواشلادیر.

اینسان حجره‌لرینه ضرر وئرمه‌یه‌ن فاژلار، ساده‌جه باغلاناجاغی رسپتورلار داشییان باکتریلره سالدیرابیلیر.



ایلگیلی‌لی خبرلر