ساوونمادا میللی پروژه'لر (08)

تورکیه سپتامبر آیی ایچری‌سینده ساوونما، کوسموس، تکنیک و هاواجیلیق ساحه‌سینده ایکی اؤنملی تدبیر کئچیریب

ساوونمادا میللی پروژه'لر (08)

  ساوونمادا میللی پروژه'لر (08)

تورکیه سپتامبر آیی ایچری‌سینده ساوونما، کوسموس، تکنیک و هاواجیلیق ساحه‌سینده ایکی اؤنملی تدبیر کئچیریب. تدبیرلردن ایلکی 20-23 سپتامبر 2018-جی ایل تاریخینده تورکیه‌نین اؤنم‌لی پروژه‌لرین‌دن بیری اولان 3-جی هاوا لیمانیندا قوروجولوق "تکنوفست ایستانبول". ایکینجی تدبیر ایسه 27-30-جی ایل 2018 سپتامبر تاریخ‌لرینده ایستانبول آتاتورک هاوا لیمانیندا کئچیریلن  İSTANBUL AIRSHOW "  " ایکی تدبیرین کئچیریلدیگی مکان‌لاردان بیری یاخین واخت‌لاردا باغ‌لانا‌جاق آتاتورک هاوا لیمانی ایکن دیگری ایسه یاخیندا آچیلا‌جاق 3-جی هاوا لیمانی اولوب. تورکیه‌نین بیر هفته آرالیقلا بئله اهمیت‌لی ایکی تدبیری کئچیرمه‌سی هاواجیلیق و کوسموس مسئله‌سینده آلینان مسافه‌نین گؤستریجی‌لرین‌دن بیری‌دیر. تدبیرلره میللتیمیزین و خصوصاً، گنج‌لرین ماراغی ایسه گله‌جک آدینا اولدوقجا اومیدوئریجی‌دیر.

تورک حرب-ایش سندیکاسی تحصیل مودیری تارکان زنگین'ین مسئله ایله باغلی قیمتلندیرمه‌سینی تقدیم ائدیریک.

هاواجیلیق، کوسموس و تکنیک فستیوا‌لی (تکنوفست ایستانبول) تورکیه‌ده ایلک دفعه تشکیل اولونوب. فستیوال، ایستانبول بؤیوکشهر بلدیه‌سی و تی3 فوندو رهبرلیگی آلتیندا کئچیریلیب. فستیوالین آچیلیشیندا دانیشان ت3ی فوندو متوللی نماینده هیاتی‌نین رهبری بایراکدار، "بو گون قوردوغوموز بیر عائله‌نین، گؤردوگوموز بیر دوشون حقیقت اولدوغو گون، بو گون میللی تکنولوژی حمله‌سی تصویرینی، اون مین‌لرله، یوز مین‌لرله گنجیمیز بؤلوشدوگوموز بیر گون، بو گون چیخدیغیمیز یولدا آرتیق تک باشیمیزا دئیی‌لیک گؤسترن بیر گون" دئدی. تی3 فوندونون قورولوش مقصدی میللی تکنولوژی تقاود پروقرامی ایله تقاود دستگی و تکنولوژی قروپلاری پروقرامی چرچیوه‌سینده اونیورسیته تکنولوژی قروپلارینا تجهیزات، آلت یاپی، نقلیات و تکنیکی مصلحت دستگی وئرمک. فوندون ان اؤنملی هدف‌لرین‌دن بیری ده 2023-جی ایله قدر 1001 تکنولوژی قروپونو و 1001 تکنولوژی تشببوسونو دستکلمک.

تکنوفست یاریش‌لاری

چوخ سایدا اوتوموبیلین و محصولون نوماییش اولوندوغو فستیوالدا قاتیلیم پول‌سوز. هاواجیلیق، کوسموس و تکنولوژی مسئله‌لرینه اؤلکه ایچینده ماراق دوغورماق و فرقینده اولماق یاراتماق مقصدیله کئچیریلن فستیوالا، 4 گونده رکورد بیر قاتیلیم اولوب. فستیوا‌لی 4 گون عرضینده 550 مین نفر زیارت ائدیب. گنج‌لر و ایدمان ناظیرلیگی ایسه 42 ایالتدن 10 مین گنجین قاتیلیمینی تامین ائتدی. 14 فرق‌لی کاتقوریده تکنولوژی یاریش‌لاری کئچیریلیب. یاریش‌لارا گنج‌لرین مهوی علاقه‌سی اولوب. فستیوال چرچیوه‌سینده چوخسایلی موسابیقه کئچیریلیب. اورتا مکتب، دبیرستان، اونیورسیته و بشریت خئیرینه تکنولوژی یاریش‌لاری. دبیرستان، اونیورسیته و اوزری اینسان‌سیز هاوا واسطه‌سی موسابیقه‌سی، اینسان‌سیز سو آلتی سیستم‌لری موسابیقه‌سی، مودئل اوچاق موسابیقه‌سی، روباط تاکسی موسابیقه‌سی، روبات تکنیکی فتح 1453 موسابیقه‌سی، موشک یاریشماسی، مصنوعی ذکا یاریشماسی، ایها دستک‌لی اینسان‌سیز قارا ماشینی موسابیقه‌سی، ساواشان ایها موسابیقه‌سی. اونیورسیته و اوزری ایسه مودئل اویدو موسابیقه‌سی، سورو ایها موسابیقه‌سی. بو تکنولوژی یاریش‌لاریندا 750دن آرتیق تیم، 2000دن چوخ ایشتیراکچی قاتیلیب. یاریش‌لاردا گنج‌لر اؤنملی نایلیت گؤستردی‌لر. تورکیه‌نین تکنولوژی اوره تن بیر جمعیته چئوریلمه‌سی و میللی تکنولوژی حمله‌سینی کئچیرمه‌سی مقصدیله تشکیل اولونان فستیوالدا، گنج‌لرین ماراغی و یاریش‌لاردا گؤستردیگی اوغور واجیب ایدی. گنج‌لرین ماراغی گله‌جکده تکنولوژی اوره تن گنج لیدرلرین اورتایا چیخماسینا سبب اولا‌جاق.

میللی محصول‌لار یاخین‌دان گؤرولوب

فستیوالدا هاواجیلیق ساحه‌سینده یئرلی و میللی محصول‌لاریندا ایچینده یئر آلدیغی نفس کسن میتینگ‌لر کئچیریلیب. بو چرچیوه‌ده تورک اولدوزلاری، سولو تورک، پاراشوت تیمی، 129 سالدیری هلیکوپتری، تی.بی.2 سیلاح‌لی ایها و تورکیه‌نین ایلک پروفسیونل میللی آکروباتیک پیلوتو ایله قیزی‌نین آکروباتیک گؤستری‌لری، هاوادا سربست اوچوش تجروبه‌سی یاشا‌دان شاقولی کولک تونئلی پلاتفورماسی، ایستانبول لیسه'لراراسی مودئل اوچاق موسابیقه‌سی وطنداش‌لار طرفین‌دن بؤیوک ماراق گؤردو. فستیوالدا همچینین دونیا درون شامپیونلوغو، هیک ایستانبول سایبر امنیت موسابیقه‌سی، Take-Off  بین الخالق تشببوس ذیروه‌سی، دونیانین ان سرعت‌لی 7 واسطه‌سی‌نین یاریشدیغی "یاریش‌لارین یاریشی"، نفس کسن راکتیو اوچاق، هلیکوپتر و آکروباتیک گؤستری‌لری، تورک هاوا یوللاری سیاحت هیکاتونو، پلانتاریوم، پاراشوت آتلاییش‌لاری، هاوا واسطه‌لری سرگی‌سی، سیمولاسیون تطبیق ائتمه‌لری، تکنولوژی و تدریس ائمالات‌خانا‌لاری کیمی اؤنملی فعالیت‌لر ده تشکیل اولونوب. فستیوالدا زیارتچی‌لر همچی‌نین نیظامی و سیویل بیر چوخ هاوا ماشینینی گؤرمه ایمکانینا قوووشدو. ساحه‌لرده ANKA، میللی ساواش اوچاق، تی625 هلیکوپتر، گؤکتورک-2 اویدو، راکتیو تحصیل و یاخین دستک اوچاغسی حورجت، یئنی نسیل اساس اگیتیم اوچاغی حورکوش و سالدیری هلیکوپترینی زیارتچی‌لر یاخین‌دان گؤردو. فستیوالدا یئرلی و خاریجی دانشماجیلار، تکنولوژی ساحه‌سینده گله'جگین اینکیشاف و احتیاج‌لاری‌نین دانیشیلدیغی سمینارلار آپاریلیب.

پرزیدنت اردوغان‌دان اؤنملی مساژلار

پرزیدنت رجب طیب اردوغان خانیمی امینه اردوغان ایله بیرلیکده 22 سپتامبر شنبه گونو تکنوفستی زیارت ائدیب. تکنوفست چرچیوه‌سینده کئچیریلن یاریش‌لاردا درجه‌یه داخیل اولان‌لارا موکافات‌لارینی وئرن پرزیدنت اردوغان بورادا اؤنملی آچیقلاما‌لار وئریب. پرزیدنت وئردیگی بیانات‌لار ساوونما صنایع و تکنولوژی ساحه‌سینده ائتمییمیز لازیم اولان‌لارلا باغلی اؤنملی آچیقلاما‌لار وئریب. پرزیدنت اردوغان چیخیشیندا: "گونوموز دونیاسیندا حقیقی معناسیندا موستقیللیگین بیرینجی شرطی تکنولوژینی حاضیرلایان، اوره تن و ایخراج ائدن اؤلکه‌لردیر. هر بیر یئنی‌لیک کیمی تکنولوژی پروسه‌لرین ده ایلک مرحله‌سی خیال ائتمک‌دیر. قیرمیزی آلما - دئیه ایفاده ائتدیگیمیز اوفوقون آرخاسین‌داکی هدف‌لریمیز هامی یئنی‌لنمیش‌دیر. نه زامان خیال ائتمگی ائتدیکسه محض او زامان گئریلمه‌یه باشلادیق. بیز ده تورکیه‌یه نه ائتدیکسه، هامی خیال‌لاریمیزین آردینجا قوشا‌راق قازاندیردیق. گونوموز امنیت آنلاییشی‌نین معناسی بؤیوک اؤلچوده دییشدی. آرتیق فیزیکی امنیتیمیزی سایبر امنیتله، دیجیتال صنایع ایله یئرلی پروقراملا سیویل ائتمیرسینیز اؤز اؤزونوزو آلدادیرسینیز دئمک‌دیر. میللی تکنولوژی حمله‌سی ایستیقامتینده گؤرولن بوتون ایشلری دستکلیه'جگیک. گنج‌لرین اوفوقونو چیخارماقدا قرارلیییق. سون ایللرده یاشادیغیمیز هر حادثه موستقیل‌لیکله تکنولوژی و خصوصیله ساوونما صنایعسی آراسیندا علاقه تکرار-تکرار گؤستریر. تکنولوژی یئرلی و میللی اولا‌راق اینکیشاف ائتدیره‌رک موستقیللیگیمیزی گوجلن‌دیرمک ایستییریک کی،" دئدی. پرزیدنت اردوغان میللی تکنولوژی حمله‌سی‌نین اؤلکه‌نین منفعتی اوچون نه قدر واجیب اولدوغو بیر داها وورغولاییب.

تورک حرب-ایش سندیکالار بیرلیگی تحصیل مودیری تارکان زنگین'ین مسئله ایله باغلی دگرندیرمه'سینی تقدیم ائتدیک.



ایلگیلی‌لی خبرلر