اوفوق دنیزه ائندیریلدی
"بئله بیر منظره قارشی‌سین‌دا تورکیه‌نین الی قولو باغلی بیر شکیل‌ده گؤزله‌مه‌سی، میلی گوونلیینی باشقا اؤلکه‌لره حواله ائتمه‌سی مومکون دئییل"
تورکیه‌نین میلی ایمکان و قابیلیتلرله اورتیلن ایلک استخباراتات گمیسی اوفوق کوروئتی(یونگول ساواش گمیسی) دنیزه ائندیریلدی.
پرزیدنت رجب طیب اردوغان، ایستانبول توزلا گمی یاپیم یئرینده تست و تعلیم گمیسی اوفوق (آ-۵۹۱)ون دنیزه ائنیش مراسیمین‌ده دانیشماسیندا، تورک گمی‌چی‌لیک صنایعیین سون ۱۶ ایلده یئنی‌دن یوکسلدیگینی ایفاده ائدرک، "تورکیه، گمی صنایع‌سین‌ده اؤزون‌دن سؤز ائتدیره‌ن بیر قونوما چاتمیش‌دیر " دئدی.
اردوغان، سون ۳ ایلده داش و پ‌کاکا باش‌دا اولماقلا، وطنداشلارین جانینا قصد ائدن، اؤلکه‌نی بؤلمه‌یه، پارچالاماغا چالیشان بوتون ترور هؤرگوتلرینه قارشی چوخ بؤیوک اوغورلار قازاندیقلارینی ایفاده ائتدی.
دونیانین ان الی قان‌لی تروریستلرینه سلاح دستگی وئره‌نلرین، مسئله تورکیه اولونجا آغلا خیالا گلمدیک انگللر چیخاردیقلارینی ایفاده ائدن اردوغان، داعشدن پ‌کاکایا القاعده‌دن الشبابا قدر مسلمانلارین قانینی تؤکه‌ن بوتون ترور هؤرگوتلرینین الین‌ده باتی‌لی اؤلکه‌لر چیخیش‌لی سلاحلار اولدوغونو قید ائتدی.
سوریه‌نین قوزئیینده ائتنیک تمیزله‌مه فعالیتی یئریدن پید، یپگ‌لی قاتیللرین الین‌ده تورکیه‌نین متفیقلرینین راکتلری، بومبالاری، مهماتلاری اولدوغونو ایضاح ائدن پرزیدنت، "بئله بیر منظره قارشی‌سین‌دا تورکیه‌نین الی قولو باغلی بیر شکیل‌ده گؤزله‌مه‌سی، میلی گوونلیینی باشقا اؤلکه‌لره حواله ائتمه‌سی مومکون دئییل. بیز ده دؤولت اولاراق هم قارشیمیزداکی بو تابلودان هم بؤلگه‌میزده یاشانانلاردان هم ده تاریخیمیزدن درس آلاراق مدافعه صنایعیمیزی گوجله‌ن‌دیرمه‌یه چالیشیریق" ایفاده‌لرینی ایشلتدی.
اوفوق گمیسی، تخمیناً ۸۶۰۰ کیلووات توپلام گوج ایله ۱۸ کنوت(دۆیون/سرعت بیریمی) ماکسیموم سرعته چاتابیلیر و ۱۰ تونلوق بیر هلیکوپتر اوچون بیر پلاتفورما صاحب.
آغیر ایقلیم شرطلرین‌ده ۴۵ گون کسینتی‌سیز حرکت ائدرک تهدیدلری معین ائد‌بیله‌جک اولان اوفوق کوروئتی‌نین الکترونیک، تست و تعلیم سیستملری آسئلسان طرفین‌دن ساغلاناجاق.
