قازیلان 12 مترلیک تونلدن بانکا گیردیلر

بانکین، 12 متر اوزونلوغوندا و بیر متر ائنینده قازیلمیش تونلله سویولدوغو قید ائدیلدی

قازیلان 12 مترلیک تونلدن بانکا گیردیلر

هیندیستاندا سویغونچولار، تخمینا 12 متره تونل قازاراق گیردیکلری بانک شعبه‌سیندن 250 مین دولارا یاخین پول و قیزیل اوغورلادی.

تایمز آف ایندیا قزئتینده یئر آلان خبره گؤره، بمبئی شهرینده اولان بانک آف بارودانین شعبه‌سین‌دکی شخصی صاندیق‌لارین یئرلشدیگی اوتاغا تونل قازا‌راق گیرن سویغونچولار، تخمینا 250 مین د‌لار پول و زینت اشیا‌لارینی اوغورلادی.

پلیس‌دن وئریلن آچیقلامایا گؤره، بانکین، 12 متر اوزونلوغوندا و بیر متر ائنینده قازیلمیش تونلله سویولدوغو قید ائدیلدی.

آچیقلامادا سویغونون، دونن بانکا گئدن چالیشان‌لار طرفین‌دن فرق ائدیلدیگی و حادثه‌نین هفته سونو باش وئردیگی‌نین تخمین ائدیلدیگی بیلدیریلدی.

پلیس، اوغرولار، سویغونو حیاتا گئچیرمک اوچون 6 آی اول بانک یاخینلیغیندا بیر دوکان ایجاره‌ ائتدیک‌لرینی بیلدیردی.

رسمی مقاملار، دوکانی ایجاره‌ ائدن شخصین بیر نئچه آی بویونجا ایشلتدیگی ایش یئرینی، باسقین‌دان ایکی آی اول ساغلیق سبب‌لرینی سبب گؤستره‌رک، دوست‌لارینا وئربب اورتا‌دان یوخ اولدوغونو سؤیله‌دی.

سویغونچولارین ایکی آی بویونجا گئجه‌لر تونل قازدیق‌لاری و چیخان تورپاغین دوکانین قارشی‌سین‌داکی بوش یئره تؤکدوک‌لری بیلدیریلدی.

دوکانی ایجاره‌یه آلان شخصین ایزینه دوشن پلیسین اولایا باغلی آراشدیرماسی داوام ائدیر.


اتیکتلر: هندوستان , تونل

ایلگیلی‌لی خبرلر