لیبی ساحیل‌لرینده 6 گؤچمن‌ین جسدی تاپیلدی

ایتالیان آنسا آژانسی‌نین لیبی دونانما سؤزچوسو ایوب قاسیم‌ه اساسلاندیردیغی خبرده، پایتخت تراپولوس‌ون تخمینن 20 کیلومتر غربین‌دکی جنزور ساحیل‌لرینده 6 کؤچمنین جسدی‌نین اولدوغو، 5 کؤچمنین ده قورتاریلدیغی بیلدیریلدی

لیبی ساحیل‌لرینده 6 گؤچمن‌ین جسدی تاپیلدی

ایتالیان آنسا آژانسی‌نین لیبی دونانما سؤزچوسو ایوب قاسیم‌ه اساسلاندیردیغی خبرده، پایتخت ترابولوس‌ون تخمینن 20 کیلومتر غربین‌دکی جنزور ساحیل‌لرینده 6 کؤچمنین جسدی‌نین اولدوغو، 5 کؤچمنین ده قورتاریلدیغی بیلدیریلدی.

حادثه‌نین اؤتن گون‌لرده تسلیم ائدیلن‌دن فرق‌لی بیر فاجیعه اولا بیله‌جگی احتیمالی اوزرینده دایاندیغینی بیل‌دیرن قاسیم، یارا‌لی‌لارین جنزورداکی بیر خسته‌خانایا سؤوق ائدیلدیگینی قئید ائدیب.

دیگر طرف‌دن، لیبی‌ده میللی مطابقت حکومتینه باغلی دونانما، پایتخت ترابلوسون 60 کیلومتر شرقینده یئرلشن الکارابولی شهری‌نین تخمینن 30 میل آچیقلاریندا 82 گؤچمنی قورتاردی.

لیبی دونانماسیندان ائدیلن یازی‌لی آچیقلامادا، باتان شیشمه قایقدان قورتاریلانلاردان 2سی‌نین اوشاق، 4ونون قادین اولدوغو بیل‌دیریله‌رک، گؤچمنلرین فرق‌لی 8 آفریقا اؤلکه‌سین‌دن اولدوغو بیلدیریلیب.

آچیقلامادا، گؤچمنلرین اینسانی و طیبی یاردیمدان سونرا ترابلوس‌داکی عین زارا-دا یئر آلان سیغینا‌جاق مرکزینه تسلیم ائدیلدیک‌لری بیلدیریلیب.

آچیقلامادا همچینین 1 نفرین بوغولا‌راق اؤلدوگو قئید ائدیلرکن سؤزقونوسو شخصین کیم‌لیگینه باغلی معلومات وئریلمه‌دی.

آوروپایا گئتمک اوچون لیبی اوزرین‌دن صحرا چؤلو و آرا‌لیق دنیزی کئچمه‌یه چالیشان گؤچمن‌لرین بعضی‌لری اینسان قاچاقچی‌لاری‌نین الینه دوشور، بعضی‌لری ده چؤلده، یا دا دنیزده اؤلور.

یئرلی و اولوسلار آراسی رسمی منبع‌لره گؤره، لیبی‌ده 24 اؤلکه‌دن گؤچمن وار.

بون‌لارین یوزده 95ینی آغدنیز اوزرین‌دن آوروپایا چاتماغا چالیشان آفریقا‌لی‌لار تشکیل ائدیر.



ایلگیلی‌لی خبرلر