آنگلا مرکل ترامپین آلمانیا روسیایا اسیر سؤزلرینه جواب وئردی

مرکل، آلمانیانین موستقیل بیر اؤلکه اولدوغونو قئید ائده‌رک، بیز آزادلیقدا بیرلشمیش آلمانیا فدراتیو جمهوریتی بو جهت‌دن ده موستقیل سیاستیمیزی اوره تیب موستقیل قرارلاریمیزی آلا بیلیریک." دئدی

آنگلا مرکل ترامپین آلمانیا روسیایا اسیر سؤزلرینه جواب وئردی

آلمانیا باش ناظیری آنگلا مرکل، آمریکانین پرزیدنتی دونالد ترامپین آلمانیا روسیایا اسیر سؤزلرینه جواب وئردی.

مرکل، آلمانیانین موستقیل بیر اؤلکه اولدوغونو قئید ائده‌رک،

بیز آزادلیقدا بیرلشمیش آلمانیا فدراتیو جمهوریتی بو جهت‌دن ده موستقیل سیاستیمیزی اوره تیب موستقیل قرارلاریمیزی آلا بیلیریک." دئدی.

آمریکا پرزیدنتی دونالد ترامپ، بو گون "آلمانیا انرژی اوچون روسیایا یوکسک سویه‌ده اؤدنیش‌لر ائدیر. بو سبب‌دن آلمانیا روسیانین بیر اسیری." دئمیشدی.

ناتو ایجلاسی کاپسامیندا ناتو باش کاتیبی ینس استولتنبرگ ایله بیر آرایا گلن ترامپ، آلمانیانین ساوونما خرج‌لرینی آرتیریلماماسینی و روسیایا آپاریلان انرژی امکداش‌لیغینی تنقید ائده‌رک،

آوروپانی روسیا‌دان قوروماق لازیم اولدوغو سؤیلنیر. ائله ایسه نه اوچون ناتو اؤلکه‌لری انرژی اوچون روسیایا میلیاردلارلا دو‌لار اؤدییر؟" دئدی.

استولتنبرگ ایسه، بروکسل‌دکی ایجلاس‌ین آچیلیشی اؤنجه‌سی ژورنالیست‌لره وئردیگی آچیقلامادا، ترامپین آلمانیانین انرژیده روسیا‌دان آسیلی اولدوغونا دایر ایضاح‌لاری ایله علاقه‌دار اولا‌راق،

قوزئی گاز آخینی بورو کمری پروژه‌سی، آلمانیانین میللی مسئله‌سی‌دیر، ناتو ماراقلاندیرمیر." دئدی.  



ایلگیلی‌لی خبرلر