آمریکا استخباراتینین دینله‌مه‌سینه تاخیلدی
عربستانلی یئتکیلیلرین قاشیقچی‌نی آلداداراق عربیستانا آپارماغی و بورادا اله گئچیرمه‌یی پلانلادیقلاری بیلدیریلدی.
آمریکا استخباراتینین ائتدیگی بیر دینله‌مه‌ده، عربیستانلی یئتکیلیلرین، واشینگتن پست یازاری عربستانلی ژورنالیست جمال قاشیقچی‌نی یاخالاماق اوچون پلان یاپدیقلارینین معین ائدیلدیگی ادعا ائدیلد‌ی.
واشینگتن پست قازئته‌سینین استخبارات قایناقلارینا دایاندیردیغی خبرینه گؤره، قاشیق‌چی‌نین ایتمه‌سین‌دن قاباق عربستانلی یئتکیلیلرینین مخالیفت ژورنالیستی یاخالاماق اوچون اؤز آرالارین‌دا ائتدیکلری دانیشیقلار آمریکا استخباراتینین دینله‌مه‌سینه تاخیلدی.
خبرده سؤزوگئدن دانیشیقلاردا عربستانلی یئتکیلیلرین قاشیقچی‌نی آلداداراق عربیستانا آپارماغی و بورادا اله گئچیرمه‌یی پلانلادیقلاری بیلدیریلدی.
عربستانلی یئتکیلیلرین قاشیقچی‌نی سورغولاماق اوچون مو یوخسا اؤلدورمک اوچون مو یاخالاماق ایستدیگی و آمریکالی یئتکیلیلرین اؤز وطنداشلاری اولان قاشیقچی‌نی قونو حاقیندا بیلگیلندیریب بیلگیلندیرمه‌دیگی بیلینمیر.
عربیستانلی رفورمیستلر اوچون اؤنملی بیر پلاتفورم اولان الوطن قازئته‌سینه بؤیوک قاتقی وئره‌ن و دوغونون ان فعال ژورنالیستلرین‌دن بیری کیمی تانینان واشینگتن پست یازاری قاشیقچی، ۲ اکتبردا عربیستانین ایستانبول باش کونسوللوغونا گئدیب اوندان بیر داها خبر چیخمادی.
