"حیاتیم تهلوکه‌ده"

منگ هونگوی چینه گئتدیگینده ائشینه مئساژلا "بیچاق" شکلی گؤندرمیشدی

"حیاتیم تهلوکه‌ده"

اولوسلارآراسی پلیس تشکیلاتینین (اینترپل) چین‌ده مالی فساد یوروشدورماسی سببی ایله گؤزآلتیندا اولدوغو آچیقلانان اسکی باشقانی منگ هونگوی‌ین ائشی گریس منگ، حیاتینین تهلوکه‌ده اولدوغونو دئدی.

گریس منگ، اینترپلون مرکزینین اولدوغو فران‌سانین لیون شهرین‌ده، آمریکا یایین قورولوشو سی‌ان‌ان کانالینا وئردیگی رپورتازدا، ارینین ایتمه‌سینین آردین‌دان بیر خاریجی‌دن، ایکی نفرین آرخاسینجا اولدوغونا دایر تهدید تلفنو آلدیغینی ایفاده ائتدی.

گریس منگ، بو وضعیت سببیله ایکی اوشاغی اوچون ده قایغیلی اولدوغونو بیلدیردی.

چین دیش ایشلری سؤزچوسو لو کانگ، منگ هونگوی‌ین حیات یولداشینین تهدید آلتین‌دا اولدوغونا دایر راپورلاردان خبردار اولمادیقلارینی سؤیله‌دی.

منگ هونگوی چینه گئتدیگینده ائشینه مئساژلا "بیچاق" شکلی گؤندرمیشدی.

اینترپل‌دان ۵ اکتبردا وئریلن آچیقلامادا، اینترپل باشقانی سئچیلمه‌دن اؤنجه چین کمونیست پارتیسین‌ده اؤنم‌لی وظیفه‌لری اولان منگین اؤلکه‌سینه سفر ائتمک اوچون ۲۹ سپتامبردا فرانسانی ترک ائتدیگی و بو تاریخ‌دن بری اوندان خبر آلینامادیغی ایفاده ائدیلمیشدی.



ایلگیلی‌لی خبرلر