مایک پمپو: "امریکا بیر جینایتی اؤرت-باس‌دیر ائتمیر"

امریکانین خاریجی ایشلر ناظیری مایک پمپئو واشینگتن رهبرلیگی‌نین سعودیه عربیستانی ژورنالیستی جمال خاشقچی جینایتی‌نین اؤرت-باس‌دیر ائدیلمه‌سینه کؤمک ائتمه‌سی ایله باغلی اتهام‌لاری رد ائتدی.

مایک پمپو: "امریکا بیر جینایتی اؤرت-باس‌دیر ائتمیر"

امریکانین خاریجی ایشلر ناظیری مایک پمپئو واشینگتن رهبرلیگی‌نین سعودیه عربیستانی ژورنالیستی جمال خاشقچی جینایتی‌نین اؤرت-باس‌دیر ائدیلمه‌سینه کؤمک ائتمه‌سی ایله باغلی اتهام‌لاری رد ائتدی.

واشینگتن پست قزئتینده درج ائدیلن خبره گؤره، ماجاریستاندا سفرده اولان و بورادا گؤروش‌لر کئچیرن پمپئو امریکانین بوداپست-ده کی سفیرلیگینده ژورنالیست‌لره آچیقلاما‌لار وئریب.

امریکانین خاریجی ایشلر ناظیری، دموکرات سناتور تیم کینین اؤتن هفته واشینگتن رهبرلیگی‌نین سعودیه عربیستانی ژورنالیستی جمال خاشقچی جینایتی‌نین اؤرت-باس‌دیر ائدیلمه‌سینه کؤمک ائتمه‌سی ایله باغلی اتهامی‌نین خاطیرلادیلماسینا: "سناتور کین تامامیله سهو بیر ادعا ایره‌لی سورور. امریکا بیر جینایتی اؤرت-باس‌دیر ائتمیر" ایفاده‌سینی ایشلدیب.

پمپئو امریکانین خاشقچی جینایتی ایله باغلی آراشدیرماسی‌نین داوام ائدجگینی بیلدیره‌رک: "بونون اوزرینده دقتله ایشلییریک. پرزیدنتین بو مسئله ایله باغلی موضعی چوخ قطعی‌دیر و بون‌دان قطعی اولا بیلمزدی. داها چوخ معلومات الده ائدیلدیکجه، بوتون شوبهه‌لی‌لرین بو مسئله‌یه گؤره مسئولیت داشیدیغی گؤروشوموز اولدوغو کیمی قالا‌جاق" دئیه دانیشدی.

خاطیرلاداق کی، نکاح ایشلری ایله باغلی 2 اوکتیابر 2018-جی ایل تاریخینده سعودیه عربیستانی‌نین ایستانبول باش کونسوللوغونا گئدن سعودیه ژورنالیستی خاشقچی یوخا چیخمیشدی. داها سونرا ژورنالیستین نه واخت، هارادا و نئجه اؤلدوردورولدوگونه دایر معلومات‌لار اورتایا چیخدی، لاکین جسدی‌‌نین هارادا اولدوغو هله ده معین ائدیلمه‌ییب.

امریکانین واشینگتن پست قزئتی امریکا مرکزی کشفیات ایداره‌سی‌نین (سیا) خاشقچی جینایتی‌نین امرینی سعودیه عربیستانی‌نین ولیهد شاهزاده‌سی محمد بن سلمانین وئردیگی نتیجه‌سینه گلدیگینی یازمیشدی.

بیرلشمیش میللت‌لر تشکیلاتی‌نین محکمه‌سیز و اؤزباشینا اعدام‌لار عذره خصوصی نوماینده سی آگنس کالامارد خاشقچی جینایتینه قارشی اولوسلار آراسی سوروشدورما چرچیوه‌سینده 28 ژانویه -3 فوریه تاریخ‌لرینده تورکیه-‌یه ائتدیگی سفره دایر وئردیگی آچیقلامادا: "تورکیه-‌یه سفریم زامانی توپ‌لانان دلیل‌لر خاشقچی‌نین سعودیه عربیستانی دؤولتی‌نین رسمی‌لری طرفیندن آمان‌سیزلیقلا و اولجه‌دن حاضیرلانمیش جینایته قوربان گئتدیگینی گؤستریر" دئیه بیلدیرمیشدی.

مایک پمپئو سفری چرچیوه‌سینده همچنین، سون آیلاردا چین-آوروپا بیرلیگی-کانادا اوچ بوجاغیندا گرگینلیگین آرتماسینا سبب اولان چین-ین تکنولوژی نهنگی"Huawei"ین مسئله‌سینی گوندمه گتیردی.

پمپئو ماجاریستانین موستقیل بیر اؤلکه اولدوغونو و اؤز قرارلارینی اؤزونون وئرجگینی قئید ائدیب، "Huawei"ین بو اؤلکه شبکه‌لرین‌دکی وارلیغی‌نین ماجاریستانین خئیرینه ایستیفاده اولونمایا‌جاق شکیلده - وطنداش‌لارین شخصی معلومات‌لاری‌نین مخفی‌لیگی‌نین پوزولماسی کیمی ریسک‌لر داشیدیغینی سؤیله‌ییب.

امریکانین خاریجی ایشلر ناظیری همچنین، "Huawei"ین ماجاریستان‌داکی مؤجودلوغونون امریکانین بو اؤلکه‌دکی فعالیتینی چتینلشدیرمه‌سی ایله باغلی ناراحات‌لیق‌لارینی ماجاریستان خاریجی ایشلر ناظیری پتر شیارتو ایله بؤلوشدوگونو قئید ائدیب.

خاطیرلاداق کی، کانادا امریکانین ایرانا تحریم لرینی پوزماق اوچون ساختاکارلیق ائتدیگی سببی ایله واشینگتن رهبرلیگی‌نین طلبی اساسیندا "Huawei" شیرکتی‌نین مالیه ایشلری عذره مودیری مینگ وانجوونو دسامبرین 1-ده وانکوورده نظارته گؤتورموش، حادثه مطبوعاتا داها سونرا آچیقلانمیشدی.

چین طرفی مینگ حادثه‌سیندن سونرا کانادا‌لی ایش آدامی مایکل اسپاور و سابیق دیپلومات مایکل کووریگین میللی تهلوکه‌سیزلیگی تهدید ائدن ایشلرده قوشولدوق‌لارینی سبب گؤستره‌رک، بو ایکی شخصی ساخلانیلدیق‌لارینی بیلدیرمیشدی.

"Huawei" شیرکتی‌نین مالیه ایشلری عذره مودیری مینگ وانجوو دسامبرین 12-ده کانادا محکمه‌سی طرفیندن 10 میلیون کانادا دو‌لاری مقابیلینده آزادلیغا بوراخیلمیشدی.

امریکا عدالت ناظیرلیگین‌دن وئریلن آچیقلامادا دا"Huawei" شیرکتی‌نین مالیه ایشلری عذره مودیری مینگ وانجوونون 13 جینایت‌دن موهاکیمه اولوندوغو و امریکایا تحویل وئریلمه‌سی اوچون رسمی مراجعت ائدیلدیگینی بیلدیریلمیشدی.



ایلگیلی‌لی خبرلر