گوندم آنالیز 4

تورکیه هم میللی تهلوکه‌سیزلیگینه هم ده سوریه-نین تورپاق واحیدلیگینه جدی تهدید کیمی گؤردوگو پ.کا.کا-نین سوریه-ده کی قولو پ.ی.د/ی.پ.گ-یه قارشی اوزون مدت‌دیر اطراف‌لی حربی عملیات اوچون حاضرلیق ایشلری گؤروردو.

گوندم آنالیز 4

تورکیه هم میللی تهلوکه‌سیزلیگینه هم ده سوریه-نین تورپاق واحیدلیگینه جدی تهدید کیمی گؤردوگو پ.کا.کا-نین سوریه-ده کی قولو پ.ی.د/ی.پ.گ-یه قارشی اوزون مدت‌دیر اطراف‌لی حربی عملیات اوچون حاضرلیق ایشلری گؤروردو. بوگونکو مرحله‌ده ترور زوناسی‌نین غرب اوجوندا یئرلشن عفرین اوچون تورکیه آدیم آتدی. تورکیه سلاح‌لی قوه‌لری اوزون مودت‌دیر بؤلگه‌یه حربی قوه گؤندریردی، ادلیب-ده عفرین-ین جنوبوندا دا موضع توتا‌راق بؤلگه‌نی احاته‌یه آلمیش‌دیر. اوزون مودت‌دیر حاضیرلیق فعالیت‌لری داوام ائتدیریلن عملیات جمهور باشقانی رجب طیب اردوغانین "عفرین عملیاتی ساحه‌ده فاکتیکی اولا‌راق باشلامیش‌دیر" آچیقلاماسیندان قیسا مودت سونرا 20 ژانویه یئرلی واختلا ساعات 17:00-دا هوجوم مرحله‌سینه کئچیله‌رک باشلانیلدی. عملیات "زیتون دالی" اولا‌راق آدلاندیریلدی.

عفرین تورکیه ایله سرحد منطقه‌سینده یئرلشن اؤنملی بیر ژئوسیاسی موضعه صاحب‌دیر. سوریه میقیاسیندا 2004-جو ایلدکی اها‌لی سایینا گؤره عفرین بؤلگه‌سینده 64.758 نفر مرکزده یاشاییردی. عمومی لیکده ایسه قصبه‌دکی اها‌لی سایی 172 مین 095 مین ایدی. عفرین-ین اسد رژیمی طرفین‌دن هاوا هوجومونا معروض قالماماسینا گؤره قیسمی اولا‌راق داها تهلوکه‌سیز اولماسی بؤلگه‌یه موختلیف کؤچ حال‌لاری‌نین یارانماسینا گتیریب چیخاردی. حاضیردا عفرین بؤلگه‌سیندکی اها‌لی سایی‌نین 300 مینه یاخین اولدوغو گومان ائدیلیر.

ترور تشکیلاتی اوچون بو بؤلگه آرا‌لیق دنیزینه سیچراییش تاختاسی کیمی قبول ائدیلیر. همچنین عفرین-دن تورکیه‌یه آمانوس داغ‌لاری اوزریندن تجهیزات خطی قورا‌راق سلاح و قول‌دورلاری گؤندرمه‌یه جهد گؤستریر. تورک سلاحلی قوه لری و تهلوکه‌سیزلیک قوه‌لری ایندیدک عفرین-دن بؤلگه‌یه کئچن 40-دان چوخ تروریستی یئرینده‌جه ضررسیزلشدیرمیش‌دیر.

تورک سلاحلی قوه لری-نین "زیتون دالی" آدلاندیردیغی عفرین عملیاتی‌نین هوجوم مرحله‌سی 20 ژانویه ساعات 17.00-دا تورک هاوا قوه‌لرینه مخصوص اوچاقلارینین سوریه هاوا مکانینا گیره‌رک عفرین-ده کی ترور هدف‌لرینی وورماسی ایله باشلاندی. پ.کا.کا/کا.ج.کا/پ.ی.د-ی.پ.گ-یه مخصوص سیغینا‌جاق یئرلر و سلاح-مهمات انباری کیمی ایستیفاده اولونان 108 هدفین عملیاتدا ایشتیراک ائدن 72 اوچاق طرفیندن محو ائدیلدیگینی آچیقلادی. عملیاتین ایلک مرحله‌سی عفرین-ده کی پ.کا.کا ترورونا قارشی اطراف‌لی حربی موداخیله ائدیله‌جگی‌نین سیقنال‌لارینی وئردی.

تورک سلاحلی قوه لری و تورکیه‌نین دستکلدیگی سوریه-ده کی موخالیفت "زیتون دالی" عملیاتی‌نین 2-جی گونونده قورودان عملیاتی باشلادا‌راق، بیر چوخ بؤلگه‌نی اله کئچیرمکده اوغورلو اولدو. سونراکی زاماندا ایسه عملیاتین ایلک هدف‌لری‌نین داغلیق اراضی‌لردکی تپه‌لر اولدوغو موشاهیده ائدیلدی. ی.پ.گ-نین گؤزلمدیگی و ان چتین جبهه‌دن عملیاتین باشلانماسی، حرکاتین ایستراتژی باخیم‌دان اؤنملی ایشاره‌لر اورتایا قویور. داغلیق اراضی‌لردکی تپه‌لر اله کئچیره‌له‌رک، ی.پ.گ-نین قاچماسی‌نین قارشی آلینماغا چالیشیییر. تپه‌لره نظارتی اله کئچیرمه‌سیندن سونرا تورک سلاحلی قوه لری و تورکیه‌نین دستکلدیگی سوریه-لی موخالیفت ی.پ.گ-نی بؤلگه‌دن تامامیله تمیزلمه مرحله‌سینه داخیل اولا‌جاق‌دیر. دیگر طرف‌دن دقت جلب ائدن دیگر موضوع ایسه عملیاتین 8 دییشیک جبهه‌دن داوام ائتمه‌سی‌دیر. ی.پ.گ-یه عینی زاماندا موختلیف جهبه‌لرده ساواشماق اوچون تضییق ائدیله‌رک، گوج‌لری‌نین ضعیفلدیلمه‌سینه ایمکان یارادیلیر.

 ایندیدک اوغورلا ایجرا ائدیلن و 6 گون‌دور داوام ائدن عملیاتدا ترور تشکیلاتی پ.کا.کا/ی.پ.گ ایسه آسیمتریک-هیبرید ساواش تکنیک لر ایله مقاومت گؤستریب، یاشاییش منطقه‌لرینه چکیله‌رک سیویل لری جان‌لی قالخان کیمی ایستیفاده ائتمه‌یه جهد گؤستریر. تشکیلاتین سیویل لردن جان‌لی قالخان کیمی ایستیفاده ائده‌رک هم اؤزونون ایتکی‌سینی آزالاتماغا جهد گؤستردیگی، هم ده سیویل لرین ایتکی‌سینه سبب اولا‌راق بون‌لار واسطه‌سیله اولوسلار آراسی بیر قارا-تبلیغات پروسئسی حیاتا کئچیرمه پروسئسینه اوز توتماغین یول‌لارینی آختاردیق‌لاری موشاهیده اولونور. تشکیلات منسوب لارینین عفرین مرکزینده و اطراف اراضی‌لرین‌دکی سیویل لرین بؤلگه نی ترک ائتمه‌سینه ایجازه ورمه‌مه‌سی بو قیمتلندیرمنی تصدیقلییر.

عفرین حرکاتی حربی جهتیله یاناشی دیپلوماتیا جهتیله ده دقت چکیر. روسیا سوریه-نین هاوا مکانینی رژیم ایله ایمضالادیغی سازیش چرچیوه‌سینده اؤزونون نظارتینده ساخلاماقدا داوام ائدیر. بؤلگه‌ده نظارت نقطه‌لرینه صاحب اولان روسیانین تورکیه-نی داها کیچیک حجیم‌لی بیر عملیات اوچون ایناندیرما جهدینی داوام ائتدیردیگی ده معلوم‌دور. آنجاق تورکیه‌نین عفرین-ده کی ترور تهدیدینی دایمی شکیلده آرا‌دان قال‌دیرا بیلمه‌سی اوچون اطراف‌لی بیر تمیزلیک حرکاتی‌نین واجیب‌لیگی ده اورتادا‌دیر.

روسیا ایله همین موضوع دا تماس‌لارین داوام ائتمه‌سیله یاناشی تورکیه امریکا، اوروپا بیرلیگی اؤلکه‌لری و کؤرفز اؤلکه‌لریله سیخی دیپلوماتیک علاقه‌لرینی داوام ائتدیریر. عملیاتین باشلانماسیندان درحال سونرا موختلیف اؤلکه‌لرین سفیرلری تورکیه‌نین خاریجی ایشلر ناظیرلیگینه چاغیریلا‌راق، عملیات حاقیندا معلوماتلاندیریلدی. دیگر طرف‌دن فرانسانین "زیتون دالی" عملیاتی‌نین بمت تهلوکه‌سیزلیک شوراسی‌نین گوندمینه چیخارما تشببوسو تورکیه‌نین خاریجی ایشلری‌نین دیپلوماتیک تشببوسو ایله سوریه-ده کی اینسانی پروبلئمین موذاکیره اولوندوغو ایجلاسا چئوریلدی. همچنین آوروپا شوراسیندا پ.کا.کا طرفداری بعضی چئوره لرین "زیتون دالی"  عملیاتینی گوندمه سالما تشببوسونه یئنه تورکیه خاریجی ایشلری‌نین سعی‌لری نتیجه‌سینده مانع اولوندو.

امریکادان "زیتون دالی"  عملیاتینا قارشی موختلیف آچیقلاما‌لار یاییلارکن، عمومی لیکده بو عملیات‌دان ممنون اولمادیق‌لاری موشاهیده اولونور. اینگیلتره، آلمانیا و ناتو-نون "زئیتون دالی" عملیاتینی قانونی اولا‌راق گؤرمه‌سینه باخمایا‌راق، روسیا امریکانین سوریه-ده کی لاقئید یاناشماسینی گوناهلاندیریر.

تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون فیکیرلرینی تقدیم ائتدیک .



ایلگیلی‌لی خبرلر