گوندم آنالیز-9

دونیانین گؤزو قارشی‌سیندا یعنی قتل عام: دوغو غوطه

گوندم آنالیز-9

سوریه-نین پایتاخت شهری‌نین دوغوسوندا یئرلشن و  کوبار کیمی دمشقین مرکزینه مخصوص محله‌لری احاته ائدن دوغو  بؤلگه‌سی 2013-جو ایلدن بری‌دیر اسد رژیمی و رژیم طرفداری میلیس‌لرین محاصره‌سینده‌دیر. دوغو غوطه  بؤلگه‌سی سون واخت‌لاردا اسد رژیمی‌نین و روسیانین ان چوخ هاوا هوجوم‌لارینا معروض قالان بؤلگه‌سی‌دیر. 3 گون عرضینده 250-دن آرتیق مولکی شخصین اؤلدورولمه‌سین‌دن سونرا نهایت بمت تهلوکه‌سیزلیک شوراسی ییغینجاق کئچیردی و سوریه میقیاسیندا آتشکس قراری‌نین قبول ائدیلمه‌سی باره‌ده راضی‌لیق الده اولوندو. لاکین بمت -نین قراری عملی اولا‌راق سوریه-ده کی محاربه‌نین و دوغو غوطه –داکی قتل عامین داوام ائتمه‌سی معناسی داشیییر. هوجوم‌لاردا خصوصیله ساغلیق مرکزلری ایله چؤرک‌خانا‌لار کیمی اها‌لی‌نین ارزاق احتیاجینی اؤده‌ین مرکزلرین وورولماسی بؤلگه اها‌لی‌سی‌نین قارشی-قارشییا اولدوغو فاجعنی داها دا آغیرلاشدیریر.

ادلیب بؤلگه‌سینده آستانا پروسئسی چرچیوه‌سینده تورک سلاحلی قوه لری طرفین‌دن اوچ آیری نظارت نقطه‌سی قورولماسین‌دان سونرا نیسبی اولا‌راق موناقیشه‌سیزلیک وضعیتی حاکم اولدو. آستانا پروسئسینده یئنه چاتیشمازلیق  اولاجاغی نظرده توتولان حمص، غوطه و درعا بؤلگه‌سینده تورک سلاحلی قوه لری نین نظارت نقطه‌لری یوخ‌دور. ادلیب-ده یارانان قارشیدورما‌لاردا اسد رژیمی و رژیم طرفداری میلیس‌لر قوه‌لرینی دوغو غوطه  بؤلگه‌سینه ایستیقامتلندیردی و گنیش دایره‌لی عملیات‌لار باشلاتدی.

 

قورودا عملیات باشلامازدان اول دوغو غوطه  بؤلگه‌سی رژیم و روسیا هاوا قوه‌لری طرفین‌دن بومبالاندی. روسیا و اسد رژیمی سیویل-عسگر فرقی قویما‌دان بؤلگه‌نی بومبالادی و حلب‌دکی وضعیته اوخشار شکیلده هر یئری یاندیریب یئرله-یکسان ائتدی. بو ایستراتژی ایستیقامتینده دوغو غوطه-دا عینیله بیر قتل عام یاشانماسی قارشی‌سیندا بمت تهلوکه‌سیزلیک شوراسی توپلانتی تشکیل ائتدی. روسیانین وتو تهدیدی قارشی‌سیندا تهلوکه‌سیزلیک شوراسین‌دان بؤلگه‌ده رئال‌لیغی اولمایان عمومی آتشکس اعلان ائدیلدی. داعش و القاعده ترور تشکیلات‌لاری‌نین آتشکس قراری چرچیوه‌سینده اولماسی، تحریم مکانیزم لری‌نین یارادیلماماسی بمت تهلوکه‌سیزلیک شوراسی‌نین قرارینی اعتبارسیز حالا گتیرمیش‌دیر.

نتیجه‌ده روسیا رسمی اولا‌راق سوریه-ده ساده‌جه داعش و القاعده ترور تشکیلات‌لاری ایله موباریزه آپاریر. لاکین بؤلگه‌دکی رئال‌لیق روسیانین مولاییم موخالیفتی ایلک دفعه اولا‌راق گؤردوگو و سیویل-عسگر فرقی قویما‌دان بومبالادیغینی اورتایا قویور. همچنین بمت تش-نین آتشکش قراری پوزولاجاغی تقدیرده هئچ بیر تحریم مکانیزمینه اوز توتماماسی قرارا عمل ائدیلمه‌سی‌نین عینیله کؤنوللولوک اساسیندا اولدوغونو گؤستریر.

همچنین روسیانین دوغو غوطه  دوغوداکی احرارالشام و  جیش الاسلام  قروپ‌لاری‌نین القاعده باغلانتی‌لی هیات تحریرالشام ایله بیرلیکده حرکت ائتدیگینی و آتشکس‌دن کناردا توتولدوغونا دایر آچیقلاماسی بمت تهلوکه‌سیزلیک شوراسی‌نین قرار متنی‌نین غرضلی یوروم لارا آچیق اولدوغونونون گؤستریجی‌سی‌دیر. اساسیندا دوغو غوطه-ده جیش الإسلام ایله هیات تحریرالشام  آراسیندا توققوشما‌لار یارانمیش و جیش الإسلام هیات تحریر الشام-دان بیر چوخ آدامی توتموش‌دور. احرار الشام ایسه روسیانین بو آچیقلامانی یایدیغی زاماندا ادلیب بؤلگه‌سینده هیات تحریر الشاما قارشی گئنیش دایره‌لی عملیات حیاتا کئچیریردی.

آچیق شکیلده روسیانین و اسد رژیمی‌نین دوغو غوطه بؤلگه‌سینده ائتدیگی هوجوم‌لاری قتل عام اولا‌راق خاراکتئریزه ائتمک دوزگون اولا‌جاق. دوغو غوطه ده اها‌لی‌نین سیخ اولدوغو بؤلگه‌دیر. محاصره آلتیندا اولان و بیرباشا هدفه گؤتورولن یوز مین‌لرله مولکی شخص دئییله بیلر کی، آدیم آدیم قتله یئتیریلیر.

روسیا بمت تهلوکه‌سیزلیک شوراسی‌نین قرارین‌دان سونرا ساختا " باریش ‌سئور سیاست" گؤستریجی‌سی کیمی هر گون دوغو غوطه بؤلگه‌سینه یئرلی ساعتلا 09.00-14.00 آراسیندا " اینسانی آتشکس" اعلان ائتمیش‌دیر. اعلان ائدیلن آتشکس اسد رژیمی و رژیم طرفداری میلیس‌لر طرفین‌دن ایلک گون‌دن توتموش پوزولموش و دوغو غوطه-یه ایستیقامت‌لی هوجوم‌لار داوام ائتمیش‌دیر. دوغو غوطه-داکی سیویل ساوونما تشکیلاتین‌دان الده ائدیلن معلوماتا گؤره، اسد رژیمی بمت تشکیلاتی قراری و سونرا روسیانین قبول ائتدیگی اینسانی مقصدلی آتشکس قرارینا باخمایا‌راق دوغو عوطه-نی وورماقدا داوام ائتدی. رژیم یئرلی ساعتلا 09.30 راده‌لرینده دوغو غوطه-دکی سیویل یاشاییش منطقه‌لرین‌دن دوما، بیت ساوا و مرج  بؤلگه‌لرینه توپچو آتیش‌لاری ایله هوجوم ائتمه‌یه باشلادی.

تورکیه ایسه آستانا پروسئسی‌نین ضامین اؤلکه‌لرین‌دن بیری کیمی دوغو غوطه-ده کی توققوشما‌لارین قارشی‌سینی آستانا پروسئسی واسطه‌سیله آلماغا جهد گؤستریر. آستانا پروسئسی چرچیوه‌سینده روسیا و اسد رژیمی‌نین دوغو غوطه-یه ایستیقامت‌لی هوجوم‌لاری‌نین دایاندیریلماسی احتیمالی بمت واسطه‌سیله آتیلا‌جاق آدیم‌لارلا موقاییسه‌ده داها بؤیوک‌دور. آستانا پروسئسی چرچیوه‌سینده نتیجه الده ائدیلندک تورکیه حاضردا دوغو غوطه ده کی یارا‌لی‌لارین موا‌لیجه‌سی و اینسانی یاردیم‌لارین دوغو غوطه-یه چاتدیریلماسی اوچون سفربر اولموش‌دور.

دوغو غوطه-ده باش وئرن اینسان‌لیق فاجعه‌سی‌نین قارشی‌سی اصلینده سوریه داخیلین‌دکی مرکب وضعیت روسیا و اسد رژیمی‌نین موضع لریندن چوخ بمت-نین قورولوشون‌داکی پروبلئم‌لره گؤره حلینی تاپا بیلمیر. بمت تهلوکه‌سیزلیک شوراسی‌نین بئش دایمی عضوو دونیا باریشینا  تحفه وئرمک عوضینه اؤز ماراق‌لارینی دقت مرکزینده ساخلایا‌راق آدیم آتیر. حاضردا بلکه موقتی حل یولو ایله دوغو غوطه ده کی قتل عام بیر قدر آزالدیلا بیلر یاخود دا بو ایستیقامت‌دکی بوتون جهدلر اوغورسوز اولار، لاکین بمت-نین سیستمی دییشمیجگی مودتده دونیا میقیاسیندا دوغو غوطه ده اولدوغو کیمی هله بیر چوخ قتل عامین قارشی‌سی آلینا بیلمه‌یه‌جک‌دیر.

تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون فیکیرلرینی تقدیم ائتدیک.



ایلگیلی‌لی خبرلر