گوندم آنالیز : 15

سوریه-نین پایتاختی دمشق-ده دوغو غوطه-نین دوما بولگه سینده یئنی شیمیایی سلاح هوجومون اولدوغونو دونیا مطبوعاتیندا عکس ائتدی.

گوندم آنالیز : 15

سوریه-نین پایتاختی دمشق-ده دوغو غوطه-نین دوما بولگه سینده یئنی شیمیایی سلاح هوجومون اولدوغونو دونیا مطبوعاتیندا عکس ائتدی. هوجومون نتیجه سینده تاسف کی اکثریتی قادین و اوشاقلاردان عبارت اولماقلا خیلی سایدا سیویل حیاتینی ایتیردی. آپاریلان ایلکین تدقیقاتلاردا هوجومدا سینیر گازیندان ایستیفاده ائدیلگینه دایر ایشاره لر وار. ایچ ساواشین باشلاندیغی گوندن موخالیفلرین نظارتینده اولان دوغو غوطه بولگه سی رژیمین سون دوورده کی أساس هدفلریندن بیری ایدی. آیلاردیر بولگه شدتلی شکیلده بومبارلانیر، بولگه ده کی خسته خانا، مکتب، مسجید کیمی سیویل موسسه لر ده هدف گوتورولدو.  

دوغو غوطه بولگه‌سی پایتاخت دمشق-ده کی جوغرافی موضعینه گوره رژیمی بیر باشا تهدید ائدن ایستراتژیک اهمیته مالیکدیر.  دوغو غوطه-ده بولگه سینی اله کئچیرمک و موخالیفتی بوردان تمیزلمک رژیم اوچون جدی معنادا اهمیت داشییر. شاواشین باشلاندیغی گوندن بری دیر، یعنی 7 ایلدیر محاصره ده اولان دوغو غوطه بولگه سی سون پروسئسده تورکیه و روسیانین راضی لیغی ایله حیاتا کئچیریلن آستانا پروسئسی چرچیوسینده موناقیشه سیز بولگه لر آراسیندا ایدی. فقط رژیم و رژیمه دستک اولان روسیا و ایران بولگه ده کی ترور تشکیلاتلارینی بهانه گتیره ره ک بولگه نی هدف گوتورمه یه باشلادی.

شدت‌لی بومباردمان‌لاردان سونرا بؤلگه‌دکی موخالیفت ده سون دؤورده روسیانین واسیتچی‌لیگیله تسلیم اولماغا و سوریانین قوزیی ایستیقامتینده، تورکیه‌نین اها‌لی‌سی‌نین یاشادیغی ساحه‌لره دوغرو تخلیه ائدیلمه‌یه باشلاندی.

تخلیه پروسئسی ایله ان سون دوغو غوطه-ده کی دوما بولگه سی جیش الإسلام-ین نظارتینده قالدی. جیش الإسلام ایله رژیم آراسینداکی گوروشلرده روسیا واسیطه چیلیک ائتدی. روسیا ایله الده اولونان راضیلاشما چرچیوسینده  جیش الإسلام بولگه ده کی موجودلوغونو دوام ائتدیرجگینی و پولیس گوجو اولاراق بولگه ده آسایشی تامین ائده جک ایدی.

لاکین بو راضیلاشمانی اسد رژیمی قبول ائتمه‌دی. جیش الإسلام-ین دومادان تخلیه اولماغی رد ائتمه سی ایله دانیشیقلار دایاندی. بو پروسئس زامانی دومایا ایستیقامتلی شیمیایی سلاح هوجومو تطبیق ائدیلدی. شیمیایی سلاح هوجومو نتیجه سینده خیلی سایدا سیویل حیاتینی ایتیردی. جیش الإسلام شیمیایی سلاح هوجوموندان سونرا دومادان سوریه-نین قوزیی ایستیقامتینده کی تخلیه ائدیلمه یی قبول ائتمک مجبوریینده قالدی. بیر طرفدن دومادا قالماقدا ایسرار ائتمه ین مالیتی شیمیایی سلاح هوجوملاری ایله یوکسلدی. دیگر طرفدن شیمیایی سلاح تطبیقیندن سونرا سیویل خالق داکی قورخو و ناراحاتلیغین آرتماسی قارشی سیندا جیش الإسلام سیویل لرین ایستکلری ایله تخلیه اوچون راضیلاشدی. شیمیایی سلاح هوجومو ایله اسد رژیمی دمشق مرکزی‌نین یاخینلیغین‌داکی سوریه-لی موخالیفتین آنا بازاسی‌نین تخلیه ائدیلمه‌سینی تامین ائتدی.

تخلیه ایله باغلی راضیلاشما حیاتا کئچیریلمه دیگی تقدیرده دومانی اله کئچیرمک ایستیقامتینده حربی عملیاتین مالییتی چوخ یوکسک اوجاق ایدی. دوما بولگه سینده جیش الإسلام-ین اوزون مودتدیر مودافعه خط لری اینشا ائتدیگی، سلاح انبارلاریندا خیلی میقداردا سلاح-مهمات و آغیر سلاح اولدوغو معلوم ایدی. همچنین سوریه-لی موخالیف لر آراسیندا جیش الإسلام حربی گوجو ایله ایلک پلانا چیخیردی. جیش الإسلام عمومی لیکده عسگرلردن عبارت بیر قروپلاشما‌دیر. اونون دومادا محاصره آلتین‌داکی مودافعه‌سی رژیمه باها باشا گله‌جک ایدی.

نتیجه‌ده دومایا اوخشار داراییا شهرینی اله کئچیرمک اوچون اسد رژیمی‌نین آیلارلا داوام ائدن عملیات اوچون جدی معنادا خرجی چیخدی. اسد رئژیمی‌نین تطبیق ائتدیگی ادعا ائدیلن شیمیایی سلاح هوجومو احتیمال اولونان جدی خرج لری آرا‌دان قالدیرمیش و آسان نتیجه الده ائدیلمیش‌دیر. شیمیایی سلاح تطبیقی اینسانی دیرلره ضد بیر مئتود اولسا دا، سون هوجوم رژیم جهت‌دن بؤیوک قازانج معناسینی داشیییر.

اسد رژیمی‌نین شیمیایی سلاح‌دان ایستیفاده ائتمه‌سی‌نین مالیتی اولوسلار آراسی رئاکسیا دوغورمادیغی مودتده رژیم اوچون ان آشاغی مالیتی اولان حل یولو اولدوغو دقیق‌دیر. محاربه‌نین باشلانماسیندان بو یانا 215 دفعه شیمیایی سلاح‌دان ایستیفاده ائدن اسد رژیمی‌نین اولوسلار آراسی ایجتیمایتین لاقئیدلیگینی نظرده توتا‌راق یئنی‌دن شیمیایی سلاحا مراجعت ائتدیگی ادعا ائدیلیر. آیریجا دیپلوماتیک معنادا بمت تهلوکه‌سیزلیک شوراسیندا روسیانین دستکینه اعتیماد ائدن رژیم حربی معنادا دا روسیا طرفین‌دن شرط‌سیز اولا‌راق قوروندوغونو نظرده توتا‌راق بو مئتودا مراجعت ائتمیش اولا بیلر. اینسانی دیرلرین گؤزدن یاییندیریلدیغی و اولوسلار آراسی ایجتیمایتین لاقئید یاناشدیغی بیر معادله ده اسد رژیمی طرف‌دن دوما اوچون ان یاخشی حلین شیمیایی سلاح تطبیقی اولدوغو سؤی‌لنه بیلر.

تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون فیکیرلرینی تقدیم ائدیریک.



ایلگیلی‌لی خبرلر