گوندم آنالیز: 19

جمهور باشقانی اردوغانین سئچکی مانیفستی و خاریجی سیاست

گوندم آنالیز: 19

جمهور باشقانی رجب طیب اردوغان اؤزونون و عدالت و اینکیشاف پارتیسی‌نین 24 ژوئن ده کئچیریله‌جک سئچکی ایله باغلی مانیفستینی آچیقلادی. سئچکی مانیفستی جمهور باشقانی رجب طیب اردوغان و عدالت و اینکیشاف پارتیسی‌نین ایقتیصادیات، ساغلیق و ایچ سیاستله باغلی موختلیف وعدلرینی احاته ائدیر. لاکین سئچکی مانیفئستی همین زاماندا 24 ژوئن سئچکی‌لرینده اردوغان سئچیله جگی تقدیرده تورکیه‌نین خاریجی سیاست‌دکی هدف‌لری و مئتودلارینی ایشیقلاندیریر.

تورکیه‌نین قارشی‌داکی دؤورده خاریجی سیاستده بیرینجی یئردکی اؤنملی هدف‌لرین‌دن بیری‌نین موطلق ترورلا موباریزه اولاجاغی دقیق‌دیر. جمهور باشقانی رجب طیب اردوغانین 15 ژوئیه دؤولت چئوریلیشی جهدین‌دن سونرا وئردیگی بیاناتدا ترور ایله موباریزه‌نین تورکییه سرحدلری داخیلینده محدود قالمایاجاغینی و ترورون یئرلشدیگی منبع‌ده سرحددن کناردا دا هدف گؤتورولدوگونو سؤیله میشدی. اول "فرات قالخانی" عملیاتی ایله آزاد سوریه اردوسو ایله بیرلیکده داعشی تورکیه‌نین سرحد منطقه‌لرین‌دن تمیزله‌ین تورکیه سلاح‌لی قوه‌لری داها سونرا "زیتون دالی" عملیاتی ایله عفرین قصبه‌سینی پ.کا.کا / پ.ی.د ترور عنصورلاریندان آزاد ائتمیش‌دیر.

خصوصیله "فرات قالخانی" عملیاتی تورکیه‌نین ترور ایله موباریزه‌سیندکی یئنی سیاستی‌نین نه قدر دوغرو اولدوغونو تورکیه داخیلینده داعش هوجوم‌لاری‌نین اوزون مودت‌دیر باش وئرمه‌مه‌سی ایله اؤزونو ثبوتا یئتیریر. همین زاماندا تورکیه داخیلینده ترورا قارشی موباریزه‌سینی داوام ائتدیرن تهلوکه‌سیزلیک قوه‌لری و کشفیات بیرلیکلری احتیمال اولونون بیر چوخ ترور هوجومونون قارشی‌سینی آلمیش‌دیر.

 یئنه "زیتون دالی" عملیاتی ایله پ.کا.کا/ی.پ.گ ترور تشکیلاتی‌نین آمانوس داغ‌لاری اوزریندن تورکیه‌نین هاتای ویلایتی اراضی‌لرینه سیزما‌لاری‌نین قارشی‌سی آلیندی. جمهور باشقانی رجب طیب اردوغانین بیان ائتدیگی سئچکی مانیفستی ایستیقامتینده 24 ژوئن دن سونرا ترورا قارشی اؤلکه حدودلاریندان‌ کناردا عملیات‌لارین حیاتا کئچیریله جگی گؤزلنیلیر. حاضردا پ.کا.کا-یا قارشی عراق ایچریسینده داوام ائدن عملیات‌لارین قارشی‌داکی پروسئسده ده گئنیشلن‌دیریله‌رک داوام ائتدیریلمه‌سی نظرده توتولا بیلر. همچنین ترور ایله موباریزه چرچیوه‌سینده سوریه-نین شیمالیندا ی.پ.گ/پ.کا.کا-یا قارشی یئنی حربی عملیات‌لار دا تورکیه‌نین پلان‌لاری آراسیندا‌دیر.

جمهور باشقانی رجب طیب اردوغانین بیان ائتدیگی سئچکی مانیفستی چرچیوه‌سینده تورکیه‌نین هئچ کسین ایدارچی‌لیگینی قبول ائتمه‌دیگی و هئچ کسی ایداره ائتمه‌دیگی وورغولانیب. تورکیه‌نین بو یاناشماسی غربلی بیر چوخ اؤلکنی ناراحات ائتسه ده بوتون دونیادا و بؤلگه‌میزده اؤز میللی منفعت‌لرینی نظرده توتان تورکیه‌نین موستقیل خاریجی سیاستی داوام ائده‌جک. خصوصیله جمهور باشقانی رجب طیب اردوغانین تورکیه-نی قلوبال آکتور کیمی تصویر ائتمه‌سی تورکیه‌نین بو چرچیوه‌دکی هدف‌لرینی آچیق شکیلده اورتایا قویور. لاکین تورکیه هئچ کسین ایدارچی‌لیگینی قبول ائتمیر، هئچ کسه ده ایدارچی‌لیک ائتمیر. خصوصیله تورکیه‌نین موستملکه‌یه دئییل، اعتبارلی علاقه‌یه اساس‌لانان و یاردیم مقصدلی افریقا سیاستی بونون ان بؤیوک گؤستریجی‌لرین‌دن بیری‌دیر. تورکیه دونیادا عمومی داخیلی محصولا (تولید ناخالص ملی) گؤره بؤیوک فرقله ان چوخ اینسانی یاردیم ائدن اؤلکه‌دیر. بو دا تورکیه‌نین اینسانی خاریجی سیاستی‌نین ثبوتودور.

تورکیه‌نین فعال خاریجی سیاستی‌نین داوام‌لی اولا بیلمه‌سی و اینکیشاف ائتمه‌سی اوچون تورکیه‌نین آسیلیلیغینی آزالدیلماسی و ایستراتژی اهمیتی‌نین آرتیریلماسی واجیب‌دیر. بو چرچیوه‌ده تورکیه‌نین مودافعه صنایع سی بؤیوک اهمیت داشیییر. جمهور باشقانی رجب طیب اردوغانین آچیقلادیغی سئچکی مانیفستینده مودافعه صنایع سی اؤنملی یئر توتوب. تورکیه 2011-جی ایلدن اعتباراً مودافعه صنایع‌سی ساحه سینده کی صادراتینی 90 فایز آرتیرا‌راق، دونیادا ان چوخ سلاح صادر ائدن دؤولت‌لر آراسیندا 18-جی یئره چیخیب. تورکیه همین زاماندا مودافعه صنایع سینده کی خاریجی آسیلی‌لیغینی 80 فایزدن 30 فایزه دوشوروب. تورکیه‌نین قارشی‌داکی دؤورلرده مودافعه صنایع سینده کی اینکیشافی‌نین آرتا‌راق داوام ائتدیرجگی گؤزلنیلیر. خصوصیله اینسانسیز هاوا آراجلاری ساحه‌سینده تورکیه دونیا میقیاسیندا نایلیت الده ائتمیش‌دیر. همین زاماندا جمهور باشقانی رجب طیب اردوغانین "اینسانسیز تانک اوره ته جییک" بیاناتی تورکیه‌نین اؤنم‌لی تکنولوژی لرده فیکیر ایره‌لی سورن و یئنی‌لیک گتیرن اؤنملی اؤلکه اولدوغونو اورتایا قویور.

تورکیه‌نین مودافعه صنایع سی ساحه‌سینده اینکیشاف ائتمه‌سی تورکییه‌نین خاریجی سیاست‌دکی تأثیری آرتیریر. دوست و متفیق دؤولت‌لر اوچون سلاح ساتین آلینماسیندا اؤنملی آلترناتیو اولان تورکیه اولوسلار آراسی بازاردا اؤز یئرینی توتدو. تورکیه افریقادان، کؤرفز و اورتا آسیا‌دان مالزی-یه قدر گئدیب چیخان زیره‌لی آراج صادراتی وار. تورکیه‌-نین همچنین پاکیستانا "آتاک" تیپ‌لی هلی کوپتر و گمی ساتیشی ایله یاناشی قطره "بایراکتار TB2" سلاح‌لی اینسانسیز هاوا آراجی  ساتماسی تورکیه ایقتیصادیاتینی گوجلندیریر، آراشدیرما، اینکیشاف ائتدیرمه لاییحه‌لرینی دستک لمکله، تورکیه‌نین خاریجی سیاست‌دکی نفوذونو آرتیریر.  

"تورکیه‌نین گوندمینه دایر تحلیل" پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون "جمهور باشقانی اردوغانین سئچکی مانیفستی و خاریجی سیاست" آدلی آنالیز یازی‌سینی تقدیم ائتدیک.



ایلگیلی‌لی خبرلر