آنکارا‌ تورک ژاپون فوندو مدنیت مرکزینده "2018 ژاپون فستیوالی" آچیلدی

مدنیت و توریزم ناظیری نومان کورتولموش، تورکیه و ژاپون گلنئکسل دگرلره صاحب‌لیک، عائله قورولوشو، اجتماعی موناسیبت‌لر باخیمین‌دان اوخشارلیغی اولدوغونو دئدی

آنکارا‌ تورک ژاپون فوندو مدنیت مرکزینده "2018 ژاپون فستیوالی" آچیلدی

مدنیت و توریزم ناظیری نومان کورتولموش، تورکیه و ژاپون گلنئکسل دگرلره صاحب‌لیک، عائله قورولوشو، اجتماعی موناسیبت‌لر باخیمین‌دان اوخشارلیغی اولدوغونو دئدی.

کورتولموش، پایتخت آنکارا‌داکی تورک ژاپون فوندو مدنیت مرکزینده کئچیریلن "2018 ژاپون فستیوالینین آچیلیش مراسیمینده دانیشدی.

ایکی اؤلکه آراسین‌داکی اوخشارلیق‌لارین خالق‌لاری‌نین دا بیربیرینه سئوگی و رغبت بسلمه‌سینه یول آچدیغینی دیله گتیرن کورتولموش، یاخین تاریخده ایکی اؤلکه‌نین یاخینلاشماسینی تامین ائدن موختلیف مسئله‌لر اولدوغونو خاطیرلاتدی.

بو ایل چین‌ده تورکیه ایلی کیمی قید اولوندوغونا ایشاره ائدن قورتولموش،

اؤنوموزدکی ایل ده ژاپوندا تورکیه ایلی اعلان ائدجگیک. 2003ده ائدیلمیشدی، آرا‌دان کئچن بو مدتده تکرار ژاپوندا تورکیه ایلینی یاراتماغا چالیشاجاغیق" آچیقلاماسینی ائدیب.

تورکیه‌نین ایقتیصادی اولا‌راق دا ژاپون ایله علاقه‌لری‌نین اولدوغونا دقتی چکن کورتواولموش، ژاپون یاتیریملارین تورکیه‌نین بؤیوک پروژه‌لرینه هر زامان ماراق گؤستردیک‌لرینی و بو اؤلکه ایله هر ساحه‌ده ایستراتژیک اورتاقلیق گئلیشدیره‌جکلرینی دئییب.

ژاپون دولت ناظیری ماساژی ماتسویاما ایسه ژاپون فستیوا‌لی چرچیوه‌سینده سینما، کالیگرافی کیمی ژاپون مدنیتینی تانیتیجی و بیر چوخ تدبیرین کئچیریلمه‌سی‌نین نظرده توتولدوغونو، بو تدبیرلر واسطه‌سیله تورک خالقی‌نین ژاپون مدنیتینی تانیماسی و ژاپونا سفر ائده‌جک اولماسین‌دان ممنونلوق دویاجاغینی بیلدیریب.

ناظیر ماساژی،

فوتبولدا ژاپون تمثیل ائدن یوتو ناگاتومونون قالاتاسارایا ترانسفر ائدیلمه‌سی موناسیبتیله ژاپوندا، تورکیه‌یه یؤنه‌لیک ماراغین داها دا آرتاجاغی فیکریمجه" دئدی.

فستیوالین آچیلیشینا تورک ژاپون وقفی باشقانی اوچاق صادق‌لر ایله ژاپونون آنکارا سفیری آکیو میاژیما و دعوت‌لی‌لر قاتیلیب.

پروقرامدا، موسیقی دینلئتی-سینین یانیندا، ژاپون مدنیتینی عکس ائتدیرن شوولار تقدیم اولوندو



ایلگیلی‌لی خبرلر