۳ مین ایللیک سوء قصدین گیزمی

۳.جو رامسسین مومیاسی اوزرین‌ده آپاریلان آراشدیرمالار ایسه فرعونون بوغازینین کسیلدیگینی اورتایا چیخاردی

۳ مین ایللیک سوء قصدین گیزمی

مصرده‌کی نیل چایینین باتیسیندا ۱۸۸۶ ایلینده تاپیلان و گؤرونوشو سببیله قیشقیران مومیا آدی وئریلن انسان قالیقلارینین کیملیگینه دایر یئنی تثبیتلر ائدیلدی.

دی‌ان‌ای تستلری مومیانین، مصر فرعونو ۳.جو رامسس‌ین اوغلو اولدوغونو گؤستردی.

بیلیم انسانلاری، مومیانین ۳.جو رامسس‌ین اوغلو اولماسین‌دان حرکتله بونون شهزاده پنتاوره اولاجاغی اوزرین‌ده دورولور.

۳ مین ایل اول پنتاوره، آناسی کرالیچه تیه ایله بیرلیک‌ده ۳.جو رامسسه سوء قصد تشکیل ائتمیشدی.

رامسسین ایکینجی حیات یولداشی اولان تیه، تاختا ۳.جو رامسسین دیگر آروادین‌دان اولان اوغلو آمون-هر-خپشف یئرینه اؤز اوغلو پنتاوره‌نین چیخماسینی ایستییردی.

دیگر سولاله عضولرینین مومیالاری آغ کتانا ساریلارکن، قیشقیران مومیانین قویون دریسینه ساریلی اولماسی بیلیم اینسانلاری طرفین‌دن "تمیز اولمادیغی" شکلین‌ده یوروملانیردی.

بوندان باشقا، قیشقیران مومیا دیگر خاندان عضولرینه نیسبتا داها دقتسیز مومیالانمیشدی.

داها اول زهرلنه‌رک اؤلدورولدویو دوشونولن قیشقیران مومیانین بویون بؤلگه‌سین‌ده‌کی ایزلر، آسیلدیغی فیکرینی ده گوجلندیردی.

۳.جو رامسسی سوء قصدله اؤلدور‌ن کرالیچه تیه، اوغلو پنتاوره و سوء قصدده ایشتیراک ائد‌ن دیگر شخصلر آسیلاراق اعدام ائدیلمیشدی.

بوتون بو آیرینتیلار، مومیانین شهزاده پنتاوره اولدوغو ادعاسینی گوجلندیردی.

۳.جو رامسس، مصری میلاددان اول ۱۱۸۶-۱۱۵۵-جی ایللر آراسین‌دا ایداره ائتمیش‌دی.

۳.جو رامسسین مومیاسی اوزرین‌ده آپاریلان آراشدیرمالار ایسه فرعونون بوغازینین کسیلدیگینی اورتایا چیخاردی.

بونا گؤره فرعونا عینی آندا بیردن چوخ شخص کسیجی آلتله سالدیرمیشدی.



ایلگیلی‌لی خبرلر