تورکیه بو ایل روسیا‌دان 6 میلیون توریست گؤزلییر

مدنیت و توریزم ناظیری نومان کورتولموش روسیانین پایتاختی مسکوا‌داکی گؤروش‌لری چرچیوه‌سینده تورکیه‌نین توریزم سکتورو و روسیا بازاری ایله علاقه‌لی سون وضعیتی قیمتلندیردی.

تورکیه بو ایل روسیا‌دان 6 میلیون توریست گؤزلییر

مدنیت و توریزم ناظیری نومان کورتولموش روسیانین پایتاختی مسکوا‌داکی گؤروش‌لری چرچیوه‌سینده تورکیه‌نین توریزم سکتورو و روسیا بازاری ایله علاقه‌لی سون وضعیتی قیمتلندیردی.

کورتولموش روس مسئول‌لارلا کئچیردیگی گؤروش‌لری چرچیوه‌سینده تورکیه و روسیا آراسیندا توریزم ساحه‌سینده آپاریلا بیله‌جک فعالیت‌لری گؤزدن کئچیردیک‌لرینی ایفاده ائدیب.

تورکیه‌یه کئچن ایل 4 میلیون 700 مین روس توریستین گلدیگینی دئین کورتولموش "بیز توریزمی و مدنیتی خالق‌لار آراسیندا یاخینلاشمانی تامین ائده‌جک، سیاست‌دن منبع‌لنن فرقلنمه‌لری خوش گورمه ایله اورتا‌دان قالدیرماغین واسطه‌سی کیمی گؤروروک. بیز بیر داها تصدیقلدیک و بو ساحه‌ده نئجه آدیم‌لار آتیلا بیلر، اونلاری گؤزدن کئچیردیک"دئییب.

توریزم ساحه‌سینده قارا دنیزه قونشو اؤلکه‌لرله اورتاق بیر سیاحت مسیری معین ائدیلمه‌سینه دایر فعالیت‌لرین داوام ائتدیریلدیگینی وورغولایان ناظیر بیلدیریب کی، عینی شکیلده دوغو آک دنیزینده ده سیاحت گمی‌لریله علاقه‌لی فعالیتده نئجه بیرگه حرکت ائده بیلریک و قافقازلاردا نئجه اورتاق سیاحت پلانی حاضرلایا بیلریک، بون‌لاری موذاکیره ائدیریک.

نومان کورتولموش اولوسلار آراسی مسکو سیاحت و توریزم سرگیسی چرچیوه‌سینده روسیادا فعالیت گؤسترن 20 تور آژانسی نین نماینده‌سیله گؤروش کئچیردیک‌لرینی، نتیجه‌ده 2018-جی ایلده روسیا‌دان گله‌جک توریست سایی‌نین 6 میلیونو اؤته جگی‌ آنلاشیلیر، ایفاده سینی ایشلتدی.



ایلگیلی‌لی خبرلر