نوبل باریش اؤدولو صاحبلری بللی اولدو

"ساواش و سلاح‌لی چاتیشمالاردا جینسی زوراکیلیغین بیر واسطه اولاراق ایستیفاده ائدیلمه‌سینین بیتیریلمه‌سی اوچون گؤردوکلری ایشلر"

نوبل باریش اؤدولو صاحبلری بللی اولدو

نوبل باریش اؤدولونون بو ایلکی صاحبلری، جینسی شدتی سونا چات‌دیرما چابالاری سببی ایله دوکتور دنیس موکویگی و یزیدی آکتیویست نادیا مراد اولدو.

نوبل کمیته‌سی، موکویگی و مرادین، "ساواش و سلاح‌لی چاتیشمالاردا جینسی زوراکیلیغین بیر واسطه اولاراق ایستیفاده ائدیلمه‌سینین بیتیریلمه‌سی اوچون گؤردوکلری ایشلر" ندنی ایله اؤدوله لایق گؤرولدویونو بیلدیردی.

حیاتینین چوخونو کونگو دموکراتیک جمهوریتین‌ده‌کی جینسی شدت گؤره‌نلره یاردیم ائتمه‌یه حصر ائد‌ن ژینکولوگ دنیس موکویگی، ایللردیر جینسی زوراکی‌لیق گؤره‌‌نلرین معالیجه‌سی اوچون چابالیر.

موکویگی و قروپونون، جینسی تجاووزلره معروض قالمیش مینلرجه اینسانی معالیجه ائتدیی بیلینیر.

۱۹۵۵ دوغوملو آکتیویست و اینسان حاقلاری ساوونوچوسو کونگولو ژینکولوگ، ساواش شرایطین‌ده جینسی سالدیرییا معروض قالان قادینلاری بوکاوودا قوردوغو پانزی آدلی خسته‌خانادا ائتکیلی بیر شکیل‌ده معالیجه ائتمه‌سی ایله یاخیندان تانینیر.

کونگولو حکیم، آرالارین‌دا بیرلشمیش میلتلر اینسان حاقلاری اؤدولونون ده اولدوغو چوخ سایی‌دا اولوسلارآراسی اؤدوله صاحب.

ترور هؤرگوتو داعش طرفین‌دن ۲۰۱۱ده ۲۱ یاشین‌دا قاچیریلان و ۶ قارداشی اؤلدورولن یزیدی آکتیویست نادیا مراد ایسه داها سونرا هؤرگوتدن قاچاراق آلمانیایا گئتمیشدی.

سپتامبر ۲۰۱۶دا بیرلشمیش میلتلرین یاخشی نیت ائلچیسی اعلان ائدیله‌ن مراد، ۲۰۱۷ده آوروپا شوراسی طرفین‌دن تشکیل اولونان واتسلاو هاول اؤدولونه لاییق گؤرولموشدو.

قاچدیغین‌دان بری اینسان آلیش وئریشینی دوردورماق اوچون مباریزه آپاران مراد، بیرلشمیش میلتلردکی میسیونو زامانی ایسه اؤزللیکله اینسان تیجارتیندن ضرر چکمیش سیغینماچی قادین و گنج قیزلار مسئله‌سین‌ده فرقینده‌لیک یاراتماغا یؤنه‌لیک فعالیت گؤستریر.



ایلگیلی‌لی خبرلر