تورک دیش پولیتیکاسینا باخیشلار (8)

سوریه تورکمنلری اوچون یئنی دؤنم

تورک دیش پولیتیکاسینا باخیشلار (8)

 

سوریه مخالفتینین اؤنم‌لی قورولوشلارین‌دان بیری اولان سوریه تورکمن مجلیسی قیسا بیر مدت اول دؤردونجو عمومی شوراسینی ائتدی و یئنی بیر یؤنتیم سئچدی. بیز ده بو هفته پروگرامیمیزدا سوریه تورکمنلری اوچون یئنی دؤورو و بو یئنی دؤورون تورک خاریجی سیاستینه محتمل یانسیمالارینی آنالیز ائدجییک.

 آتاتورک اونیورسیته‌سی اولوسلارآراسی ایلیشکیلر بؤلومو خوجاسی دکتر جمیل دوغاچ ایپک‌ین قونویلا ایلگیلی دگرلندیرمه‌سینی سونوروق.

...

 تورکیه جمهوریتی‌نین دستگی ایله قورولان سوریه تورکمن مجلیسی ۱۰-۱۱ قوریه‌ده، آنکارادا، دؤردونجو باش قورولونو گرچکلشدیردی. حلب، لاذقیه، حماه-حمص، دمشق-جولان، رقه بؤلگه‌لریندن و اوچ سیاسی پارتینین اویه‌لریندن اولوشان توپلام ۳۶۰ تورکمن نماینده اؤنجه‌لیکله ۴۲ نفردن اولوشان مجلیس اویه‌لرینی سئچدی. سونراسین‌دا ایسه سچیلن ۴۲ اویه یئنی باشقانی سئچدی. مجلیس اویه‌لری آراسین‌دا یاپیلان سئچیمین سونوجونا گؤره، دکتر محمد وجیه جمعه سوریه تورکمن مجلیسی‌نین ۴.جو دؤنم باشقانی اولدو.

سوریه جغرافیاسیندا یاشایان ان اسکی خالقلاردان بیری اولان تورکمنلر یئددینجی عصردن بو یانا بؤلگه‌ده حیاتلارینی داوام ائتدیریر. تورکمنلر سوریه‌ده گئنیش بیر ساحه‌یه یاییلمیش دوروم‌دا. حلب، لازقیه-ادلب (باییر بوجاق)، حمص، حماه، طرطوس، رقه، درعا، مشق و جولان بؤلگه‌لرین‌ده تورکمن وارلیغی وار. سوریه تورکمنلری عصرلردن بری یاشادیقلاری تورپاقلارینی و کیملیکلرینی قوروماق اوچون بو گون جدی بیر مباریزه وئریر. تورکمنلرین مباریزه‌سی ۲۰۱۱.جی ایلده خالق آیاقلانماسییلا بیرلیک‌ده، اسد ئژیمینین دؤولت ترورونا قارشی باشلادی. ۲۰۱۱.جی ایلدن بو یانا اسد رژیمی لبنان سرحدین‌ده‌کی، حلب‌ده‌کی، باییر بوجاقداکی، حماه و حمص تورکمن یئرلشیملرینی دفعه‌لرجه بومبالادی. بو سالدیریلار نتیجه‌سینده یوز مین دولاییندا تورکمن حیاتینی ایتیردی. تورکمنلرین ایفاده‌لرینه گؤره گؤزآلتیندا و ایتکین اولان اون مینلرجه تورکمن وار.

تورکمنلر اوزون بیر مدت ترور هؤرگوتو داعش ایله مباریزه ائتدی. بو آندا دا بیر باشقا ترور هؤرگوتو پ‌کاکا/ی.پ.گ ایله مبارزه ائدیر. گئچمیش‌ده داعش ایله چاتیشان تورکمنلرین گوجلرینین بؤلونمه‌سینی فورصت بیلن پ‌کاکا/ی.پ.گ اله گئچیردیگی یئرلرده یاشایان تورکمن، عرب و کورد وطنداشلاری کؤچه مجبور ائتدی، مقاومت گؤستره‌نلری اؤلدوردو. بو گون ده تورکمنلر ترور هؤرگوتو پ‌کاکا/ی.پ.گ‌نین زورلا اله گئچیردیگی یئرلرین تکرار اصل صاحبلرینه وئریلمه‌سی اوچون مبارزه ائدیر. عصرلردیر سوریه‌ده، سوریه خالقین‌دان آیری بیر خالق اولاراق، تورکمنلر وارلیق گؤستریر. سوریه‌ده تورکجه دانیشان تخمیناً بیر میلیون یاریم دولاییندا تورکمن وار. تورکجه‌نی اونوتموش تورکمنلر ایله بیرلیک‌ده سوریه‌ده‌کی تورکمن ساییسی اوچ یاریم میلیون جیواریندادیر. تورکمن وارلیغینی هم تورک ایمپراتورلوق آرشیولری هم ده فرانسانین قیومیت دؤنمی آرشیولری دوغرولاییر. تورکمنلر اوزون مدت‌دیر اینسان حاقلاری پوزونتولارینا، قیرغینلارا اوغراییر آیریجا مدنی حاقلاری دا وئریلمیر. بو وضعیته آرتیق اولوسلارآراسی توپلوم تپکی گؤسترمه‌لی.

تورکمنلر بو آندا ساحه‌ده هر جور ترورلا بوتون گوجلریله مبارزه ائدیر. بو گون گلینن نقطه‌ده تورکمنلر آیری بیر ائنتیته/حقوقی وارلیق اولاراق ماسادا اولماق و اؤز حاقلارینی اؤزلری ساوونماق ایسته‌ییر. البته، تورکمنلر سوریه مخالفتی ایچین‌ده فرق‌لی پلاتفورملاردا دا تمثیل ائدیلیر. آنجاق بو پلاتفورملاردا تورکمنلرین حاقلارینی قوروماق اوچون وئریلن چابا چوخ اؤنم‌لی اولماسینا باخمایاراق یئترلی اولمور. ساغلام بیر چؤزوم اوچون تورکمنلرین ده ماسادا آیری بیر ائنتیته اولاراق اولماسی لازیم‌دیر. سوریه‌ده قابسام‌لی بیر سیاسی چؤزوم ایچین آتیلاجاق بوتون آدیملارین اوزون وعده‌ده قازانیم گتیرمه‌سی اولکه‌ده‌کی بوتون طرفلره وئریله‌جک حقوقی ایستاتونون ساغلام‌لیغینا باغلی. بو آنلام‌دا سوریه‌نین توپراق بوتونلویونون قورونماسی ایلکه‌سی چرچیوه‌سینده تورکمنلرین یازیلاجاق یئنی آنایاسا ایچینده سوریه‌ده‌کی وارلیغینی تانییاجاق، قورویاجاق و گوونجه آلتینا آلاجاق بیر حقوقی ایستاتو قازانماسینی ساغلاماق گرکیر. بو نقطه‌ده سوریه تورکمنلرینه «قوروجو خالق» ایستاتوسو وئریلمه‌سی قالیجی بیر چؤزومه قاپی آرالایابیلیر.

تورکمنلر، سوریه‌ده عربلردن سونرا ان بؤیوک جمعیته صاحب ایکینجی ائتنیک قروپ. سوریه تورکمنلری، سوریه‌ده گئری‌ده قالان پروسه‌نین ان بؤیوک ضرر چکنلریندن بیری. هئچ بیر زامان ائتنیک/دینی ترور هؤرگوتلری ایله باغلانتی‌سی اولمامیش و هر زامان سوریه‌نین تورپاق بوتؤولویونو مدافعه ائتمیش بیر جمعیت اولاراق سوریه تورکمنلری‌نین حاقلی طلبلری سون درجه یئرین‌ده و مشروعدور. سوریه‌ده و اورتادوغو جغرافیاسی داخیلین‌ده تورکمنلر مدرن، بات‌لی، دموکراتیک و لاییک بیر توپلولوقدور. اولوسلارآراسی توپلوم دستک وئرسه تورکمنلر هم اورتادوغو هم ده سوریه‌ده دموکراتیک و لاییک بیر دوزن قورماق اوچون اؤنم‌لی بیر رول اوینایابیلر. تورکمنلر گوج قازانسا هم سلاح‌لی مبارزه‌ده هم ده فیکری مبارزه‌ده سلفی/تکفیرچی/جیهادچی هؤرگوتلری مغلوب ائدر. بئله‌جه آوروپا قاره‌سی ده هم سیغینماچی آخینین‌دان هم ده سلفی/تکفیرچی/جیهادچی ترور هؤرگوتلریندن قورونموش اولور.

...

آتاتورک اونیورسیته‌سی اولوسلارآراسی ایلیشکیلر بؤلومو خوجاسی دکتر جمیل دوغاچ ایپک‌ین قونویلا ایلگیلی دگرلندیرمه‌سینی سوندوق!


اتیکتلر: تورکمن , سوریه

ایلگیلی‌لی خبرلر