تورک دیش پولیتیکاسینا باخیشلار (18)

آک‌کویو: تورکیه و نوکلئر گوج مرکزلری

تورک دیش پولیتیکاسینا باخیشلار (18)

تورکیه‌نین ایلک نوکلئر مرکزی اولان آک‌کویو نوکلئر مرکزینین تملی قیسا بیر مدت اول تورکیه پرزیدنتی اردوغان و روسیا پرزیدنتی پوتینین ایشتیراک ائتدیی تؤرن ایله آتیلدی. بیز ده بو هفته پروگرامیمیزدا تورکیه و نوکلئر انرژی مسئله‌سینی تحلیل ائدجییک.

آتاتورک اونیورسیته‌سی اولوسلارآراسی ایلیشکیلر بؤلومو خوجا‌سی دکتر جمیل دوغاچ ایپگ‌ین قونو ایله باغلی دگرلندیرمه‌سینی سونوروق.

...

آک‌کویو نوکلئر مرکزینین تمل آتما مراسیمی قیسا بیر مدت اول بئش‌تپه‌ده تورکیه پرزیدنتی رجب طیب اردوغان و روسیا پرزیدنتی ولادیمیر پوتینین ایشتیراکی ایله حیاتا گئچیریلدی. اردوغان و پوتین، ویدئو کنفرانس یولویلا آک‌کویویا باغلاناراق نوکلئر مرکزین تملینی قویدو.

۱۹۵۰لی ایللردن گووناً، گوونلی منبع‌لردن انرژی تامین ائتمک آختاریشی انرژی دونیاسینین ان اؤنملی گوندمی. ۱۹۷۰لی ایللرین اولین‌ده اورتایا چیخان نفت بحرانی بو آراییشلاری سورعتلندیردی و گوونلی انرژی منبعی اولان نوکلئر انرژینین اؤن پلانا چیخماسینی تامین ائتدی. گونوموزده ده نوکلئر انرژی، ۷ گون ۲۴ ساعات انرژی اورتن دائمی بیر منبع کیمی اهمیتینی قورویور.

نوکلئر انرژینین دونیا الکتریک اورتیمین‌ده‌کی پایی دورمادان آرتیر. حاضردا دونیادا ۳۱ اؤلکه‌ده ۴۰۰دن آرتیق نوکلئر رآکتور ایشله‌دیلیر. ان چوخ نوکلئر مرکز ۱۰۴ عدد ایله آمریکایا عایید. فرانسادا ۵۸، ژاپندا ۵۴، روسیادا ۳۲، گونئی کره‌ده ۲۰، آلمانیادا ۱۷، هیندیستان‌دا ۱۹، اوکراینادا ۱۵، چین‌ده ایسه ۱۶ عدد نوکلئر مرکز وار. داوام ائد‌ن نوکلئر مرکز اینشاسین‌دا ایسه چین، روسیا و هیندیستان اؤن پلان‌دا. چین مؤوجود ۱۶ نوکلئر رآکتور ساییسینا ۲۸ رآکتور داها علاوه ائتمیی پلانلاشدیریر. حاضردا بولقاریستان‌دا ۲، فنلاند و فرانسادا ایسه ۱۷ عدد رآکتور اینشا حالین‌دا. فرانسادا پاریسه ۲۰۰ کیلومتردن داها یاخین ساحه‌ده ۶ نوکلئر مرکز وار. ایسپانیادا مادریده ۲۰۰ کیلومتردن داها یاخین ساحه‌ده ۳ نوکلئر مرکزی وار. اینگیلتره‌ده‌کی بردول مرکزی ایسه لندنه یالنیز ۷۰ کیلومتر مسافه‌ده. تورکیه‌نین الکتریک احتیاجینین قارشیلانماسیندا ایستیفاده ائدیله‌ن گاز و مایع یاناجاقلارین دئمک اولار کی، هامی‌سی، کؤمور یاناجاقلارین ایسه تخمیناً یوزده۳۰و وارد ائدیلیر. تورکیه؛ هیدروالکتریک پتانسیلینه علاوه اولاراق کولک، گونش، ژئوترمال کیمی یئنیلنه‌بیلیر انرژی پتانسیلینین هامی‌سینی ایستیفاده ائتسه ده ۲۰۲۳.جو ایله قدر چاتاجاغی محتمل انرژی توکتیمینین آنجاق یاری‌سینا یاخینینی قارشیلایابیلر. الکتریک توکتیم طلبینین قارشیلانماسینین یانی سیرا، تورکیه‌نین ۲۰۲۳.جو ایله قدر اولاشماغی آماجلادیغی سویه‌لر اوچون ده نوکلئر انرژی اؤنم‌لی. ۵۰۰ میلیارد دلار صادرات، آدام باشینا ۲۵.۰۰۰ دلار میلی گلیر و ۲ تریلیون دلار میلی گلیری ایله دونیانین ایلک ۱۰ اقتصادی آراسین‌دا یئر آلماق کیمی هدفلرینه چاتماق اوچون نوکلئر گوج مرکزلرینی اینشا ائتمک تورکیه اوچون بیر سئچه‌نک‌دن چوخ ضرورت حالینا گلدی.

تورکیه‌ده نوکلئر انرژی اوچون گیریشیملرین تاریخی ۱۹۵۰لره قدر اوزانیر. آنجاق اؤتن ۶۰ ایلده تورکیه‌نین بیر نوکلئر انرژی مرکزی قورماماسی تورکیه اقتصادی اوچون اؤنملی بیر ایتکی. تورکیه ایله عینی ایللرده نوکلئر انرژی چالیشمالارینا باشلایان گونئی کره، نوکلئر تکنولوژینی ۲۰ ایل ایچری‌سین‌ده اینکیشاف ائتدیردی. بونا قارشین، تورکیه‌ده آنجاق ۲۰۱۸ده آک‌کویو نوکلئر مرکزینین تملی آتیلابیلدی. اؤتن سورجده داوام‌لی اولاراق نوکلئر انرژی مرکزی قورولماسینا قارشی چیخاریلان مانعلر، بو گون تورکیه اقتصادینین ان بؤیوک پروبلئملرین‌دن بیری اولان یوکسک انرژی وارداتینا سبب اولدو. تورکیه انرژی باخانلیغینین معلوماتلارینا گؤره، آک‌کویو و سینوپ مرکزلری ایشه گیردیک‌ده تورکیه الکتریک توکتیمینین یوزده ۲۰یه یاخینینی بورادان قارشیلایاجاق. بئله‌لیکله، ایللیک ۱۶ میلیارد مکعب متر گاز وارد ائتمه‌یه‌جک و ایللیک تخمیناً ۷،۲ میلیارد دلار ایچریده قالاجاق.

بیر اؤلکه‌ده نوکلئر انرژینین پلانلاشدیرماسی اولایی؛ تاساریمی، مهندس‌لیگی، ایشلتمه‌چی‌لیگی، کیفیت کنترلو و امنیت شعورو ایله اؤزل تکنولوژیک مدنیت یارادیر. بو سببله نوکلئر انرژی کیمی اؤنچو تکنولوژیلر یالنیز بیر الکتریک اورتیم سئچه‌نگی دئییل. بو کیمی اؤنچو تکنولوژیلر اؤلکه‌لره چوخ شئی قازاندیریر. یئنی اورتیم تکنیکلری اؤیره‌نمک و بونلاری اینکیشاف ائتدیرمک، علمی، تکنیک و تکنولوژیک توتومو آرتیرماق، کیفیت کنترلونو و کیفیتی تامین ائتمک، صنایع‌ده مختلیف ایش قوللارینین قورولوب ایشلدیلمه‌سی، یئنی ایش ساحه‌لرینین آچیلاراق استخدامین آرتماسی کیمی مسئله‌لری مثال گؤسترمک اولار. نوکلئر تکنولوژی ترانسفرینی چوخ اوغورلو شکیل‌ده حیاتا گئچیره‌ن اؤلکه‌لرین باشین‌دا گلن گونئی کره‌نین بو قازانیملارلا ائتدیگی آتیلیملار بیلینیر. نوکلئر تکنولوژی تورکیه‌ده یوکسک سویه‌ده علمی و تکنولوژیک بیر مدنیتین یئرلشدیریلمه‌سین‌ده، تکنیک تعلیم کیفیتینین یوکسلدیلمه‌سین‌ده اؤنملی قاتقیلار وئره‌جک. دیگر ساحه‌لرده ده حرکت وئریجی بیر قوه اولاجاق. بو پروژه ایله هم تورکیه‌ده، هم روسیادا ایش ایمکانلاری اورتایا چیخاجاق. متخصصلرین یئتیشدیریلمه‌سین‌ده ده امکداش‌لیق ائدیله‌جک. حاضردا روسیا اونیورسیته‌لرین‌ده ۲۲۰دن چوخ تورک اؤیرنجی نوکلئر تکنولوژی تحصیلی آلیر. پروژه‌نین مقصدینه گؤره ۲۰۲۳.جو ایلده ایلک بلوکون خیدمته داخیل اولماسی پلانلاشدیریلیر. بو پروژه‌نین اوغورلا گرچکلشمه‌سی، تورک -روس امکداشلیغینین دابیر گؤستریجی‌سی اولاجاق.

تورکیه‌نین بؤلگه‌سین‌ده و دونیادا یوک‌سه‌له‌ن گوج مؤوقعیتینی ساغلاملاشدیرابیلمه‌سی و گوجونو داها دا آرتیرماسی اوچون انرژی مسئله‌سین‌ده ده اؤنملی ایرلیلییشلر تامین ائتمه‌سی لازیم‌دیر. بو نقطه‌ده نوکلئر انرژی تکنولوژیسینی قازانماق تورکیه‌نین اینکیشافینا، رفاهینا، انرژی مستقیللیینه، تهلوکسیزلیینه و اگمنلیینه قارشی بؤیوک یاتیریم اولاجاق. بو، ساده‌جه تورکیه اوچون دئییل آوراسیا ایله اورتادوغو باریش و رفاهی اوچون ده اؤنملی ایرلیلمه‌دیر.

...

آتاتورک اونیورسیته‌سی اولوسلارآراسی ایلیشکیلر بؤلومو خوجا‌سی دکتر جمیل دوغاچ ایپگ‌ین قونو ایله باغلی دگرلندیرمه‌سینی سوندوق.

 



ایلگیلی‌لی خبرلر