تورک مطبخی (05)

دونیادا بیر چوخ میللت یارپاق و سبزه/ تروزلرین ایچینی دولدورا‌راق یئمک بیشیریر

تورک مطبخی (05)

تورک مطبخی (05)

دونیادا بیر چوخ میللت یارپاق و سبزه/ تروزلرین ایچینی دولدورا‌راق یئمک بیشیریر. کیمی‌سی، اورتا و جنوبی آمریکا‌داکی کیمی مکه و موز یارپاق‌لارینی، بعضی اوزاق شرق‌دکی کیمی پالما و یا بامبوک یارپاق‌لارینی ایستیفاده ائدیر بو ایش اوچون. تورکیه ده ایسه دئمک اولار کی، هر تروزی‌نین ایچی دولدورولابیلیر. بادیمجاندان انگینار/ گنگر فرنکی؛ کلم‌دن بامادورا؛ بیبردن کدویا قدر هر شئیی دولدورا‌راق یئمک بیشیره‌بیلیر تورک‌لر. اونسوز دا بیر چوخ دیلده "دولما و یا دولمادئس" اولا‌راق کئچن بو نوع یئمک‌لرین عمومی آدی دا تورکجه "دولماق" فعلین‌دن گلیر. بیز ده بو گون سیزه تورکیه‌ده چوخ مشهور اولا‌راق ایستیفاده ائدیلن "اتلی یارپاق سارماسی‌" تعریفی وئرجگیک. بو آرادا "ساریما" سؤزونون توکجه‌ده "سارماق" معناسینا گلدیگینی ده قئید ائتمه‌دن کئچمیک. عمومیتله، بو جور یئمک‌لرین هامی‌سینا "دولما" دئسه ده تورکیه‌ده بیبر، کدو، بادیمجان کیمی ایچی دولدورولا‌راق حاضیرلانان یئمک‌لره "دولما"؛ یارپاق، کلم، ازه‌له کیمی ایچینه قویولان ماتریا‌لی‌نین یارپاقلا اؤرتولمه‌سی ائدیلن یئمک‌لره ایسه "سارما" آدی وئریلیر.

------

اتلی یارپاق توتماسی‌نین ماتریال‌لاری بئله؛

250  قرام شور آسما (اوزوم) یارپاغی

ایچ خرجی اوچون؛

1  عدد کیچیک پارچا‌لارا دوغرانمیش سوغان

250  قرام اورتا یاغ‌لی قیمه

1  سو ایستکانی دوگو

2  یئمک قاشیغی اینجه قیییلمیش جعفری

1/2  چای قاشیغی دوز

1/4  چای قاشیغی ایستیوت

بیشیرمک اوچون:

1  خؤرک قاشیغی بامادور روبی

3  یئمک قاشیغی زیتون یاغی

1.5 سو ایستکانی قاینار سو

1/2  چای قاشیغی دوز

---------

زامان گلدی "اتلی یارپاق سارماسی"نی حاضیرلاماغا؛

ایلک ایش اولا‌راق شور آسما (اوزوم) یارپاق‌لارینی، دوزونون گئتمه‌سی اوچون ایستی سو دولو، درین بیر قآمریکاا 5 دقیقه قدر گؤزلدین. دوزو  گئدن یارپاق‌لاری سودان چیخاریب سویوق سودا یاخالایین و چوخ سولارینی سوزدورون.

بو آرادا توتماغین ایچ خرجینی حاضیرلاماق اوچون؛ قورو سوغانی، بول سودا یویونوب دورولان دوگو و قیمه‌نی درین بیر قابا آلین. جعفری، قارا بیبری و دوزو علاوه ائدین. قاریشدیرما قابینا آلدیغینیز بوتون ماتریا‌لی بیر-بیرینه قاریشماماسی اوچون الینیزله یوغورون. میس-لرین قیریلماماسی اوچون چوخ چوخ سالماماغا دقت ائدین.

زامان گلدی یارپاق‌لاری دولدورماغا؛

بیر یارپاق آلین، مات و دامارلی اولان بؤلوملونو اوستونه گله‌جک شکیلده دوز زمینه سرین. زده‌لمه‌دن کسکین بیر بیچاقلا آز قیسمینی کسین. یارپاق‌لارین اورتا بؤلوملرینه بیر شیرین قاشیغی قدر قیمه قاریشیق‌دان قویون. یارپاغین کناردا قالان بؤلوم‌لرینی اورتایا باغلاییب، یارپاق‌لاری رولون شکلینده بوکون.

عینی پروسه‌سی بوتون یارپاق‌لارا تطبیق ائدین.

حاضیرلادیغینیز اتلی یارپاق سارمالارینی درین بیر قازانا آرا‌لاردا بوشلوق بوراخما‌دان، بیتیشیک اولا‌راق دوزون. قازانی‌نین بازاسی دولدوق‌دان سونرا ایکینجی، لازیم‌دیرسا اوچونجو گئدیش کیمی ده دوزمه‌یه داوام ائدین.

کیچیک بیر کاسادا سالدیغینیز ایستی سو، زیتون یاغی، روب و دوزو ساریما قازانا تؤکون. بیشمه زامانی داغیلماماسی اوچون ساری‌لارین اوزرینه چینی بیر بوشقاب اؤرتون.

قاپاغینی باغلادیغینیز قازانی، ضعیف اوددا تخمینن 40 دقیقه بیشیرین. اتلی اولدوغو اوچون ایستی و یا ایلیق اولا‌راق، ائتسه‌نیز اوستونه قاتیق تؤکه‌رک سرویس ائدین.

عافیت اولسون!

-------

تورک مطبخی پروقرامیندا

بو گون "اتلی یارپاق بورومه‌سی" تعریفی وئردیک سیزه. باشقا بیر وئریلیشده بیر باشقا تورک لذتی گؤروشمک اوچون ساغ اولون.



ایلگیلی‌لی خبرلر