تورک مطبخی (06)

قیرمیزی مرجیمک آشی

تورک مطبخی (06)

تورک مطبخی (06)

------

سلام. تورک مطبخینده آشلارین یئری چوخ فرق‌لی‌دیر. کئچمیش‌دن گونوموزه قدر، خالق و دولت قوروملاریندا ان چوخ سئچیلن یئمک‌لردن بیری‌دیر. موختلیف مدنیت‌لردکی آش، عادتن آخشام و یا ناهاردا، تورک مطبخینده یئیه‌له‌بیلر. سحر یئمگی اولا‌راق آش ایچمک بئله تورک‌لر آراسیندا اولدوقجا یایقین بیر ایشدیر. تورک مطبخینده آش موختلیف‌لیک، فورم و ایچه‌ریک باخیمین‌دان دیگر مطبخ‌لردن فرق‌لنیر. مسئلن، غرب توپلوملاریندا آش عادتن بیر چوخ دانه‌جیک ایچه‌ریر و سولو بیر قیوامینا مالیک‌دیر. تورک مطبخینده سویوق و یا ایستی یئمک اولان و یا اولمایان تاخیل و یا قاریشیق اولان بیر چوخ موختلیف نوع آش وار. اما تامامیله فرق‌لی بیر آش وار. او دا؛ قیرمیزی مرجیمک آشیدیر، دئمک اولار کی، هر بیر رستوراندا سرویس ائدیلن، هر ائوده پیشیریلن مرجیمک آشی، اؤلکه‌ده ان چوخ ایستیفاده ائدیلن آش نوعو اولابیلر. بو گون بیز ده سیزه  هم دادلی، هم قیدالاندیریجی وهم ده پیشیرمه‌سی آسان اولان آش‌ین تعریفین وئرجگیک.

---

" قیرمیزی مرجیمک آشی " حاضیرلاماق اوچون بیزیم مادّه‌لریمیزدیر؛

- 1.5 فینجان قیرمیزی مرجیمک

- 1  یئمک قاشیغی کره یاغی

-1  یئم قاشیغی بامادور روب

-1  عدد کیچیک دوغرانمیش سوغان

-1/2  چای قاشیغی قیرمیزی بیبر

-1/2  چای قاشیغی قارا بیبر

-  1 چای قاشیغی دوز

- 6 سو لیوانی ات سویو و یا سو

-------

آش‌ین پیشیریلمه‌سینه گلین؛

 اؤنجه مرجیمگی، آغ سویون یاخشی گئدنه قدر بول سو ایله یویون. سونرا سوغان‌لاری یاغدا بیر نئچه دقیقه پیشیرین. سونرا روبو علاوه ائدین بیر نئچه دقیقه بیرلیک‌ده. داها سونرا مرجیمک علاوه ائده‌رک قووورما پروسه‌سینه داوام ائدین. ایکی دقیقه سونرا ایستی ات سویو و یا سو علاوه ائدین. دوز، بیبر و قیرمیزی بیبر ایله لذتلندیردیکدن سونرا، مرجیمک یومشایانا قدر یاریم ساعت اورتا ایستی‌لیک پیشیریلیر. پیشیریلدیک‌دن سونرا، ال سوزگئچیندن سوزه‌رک، هامار و پروزسوز بیر قیواما گتیرین. آش آرتیق یئمه‌یه حاضیردیر!

عافیت اولسون!

---------

تورک مطبخی پروقرامیندا بو گون "قیرمیزی مرجیمک آشی" تعریفی سیزه وئردیک. باشقا بیر پروقرامدا باشقا تورک دادینی قارشیلاماق اوچون خوش قالین.



ایلگیلی‌لی خبرلر