تورکیه ده توریزم  - ۷

بنزرسیز گؤزللیگی ایله پاموق‌قالا

تورکیه ده توریزم  - ۷

 

پاموق‌قالا تورکیه‌نین طبیعی گؤزل‌لییه صاحب اولان یئرلرین‌دن بیریدیر. بؤلگه‌ده‌کی آنتیک شهر هیئروپولیس ایله بیرلیک‌ده ۱۹۸۸.جی ایلده‌ن بو یانا یونسکونون دونیا میراث لیسته‌سین‌ده یئر آلیر؛ هم مه‌نی، هم ده طبیعی میراث اولاراق قبول ائدیلیر.

...

پاموق‌قالا؛ تورکیه‌نین باتیسیندا، اژه دنیزی بؤلگه‌سین‌ده دنیزلی ویلایتینین سرحدلری ایچین‌ده یئر آلیر. چال‌داغی‌نین گونئی اتکلرین‌دن گلن کلسیم اکسید ترکیب‌لی سولارین یاراتدیغی گؤرکه‌م‌لی آغ تراورتنلر، مؤحتشه‌م بیر گؤزل‌لیک سونور قوناقلارینا...

پاموق‌قالا تراورتنلری ۲۷۰۰ متر اوزونلوغون‌دا و ۱۶۰ متر یوکسکلیگینده بو سببله پارلاق آغ رنگی ایله کیلومترلرجه اوزاق‌لیق‌دان بئله گؤرونه‌بیلیر.

دنیزلی‌یه ۲ کیلومتر مسافه‌ده یئرلشه‌ن بو ساحه، ائله‌جه ده مختلیف راحاتسیز‌لیقلارا یاخشی گلدییگنه اینانیلان شفالی سولاری ایله ده مشهوردور. ایستیلیکلری ۳۵-۳۶ سانتیگراد درجه‌یه چاتان بئش ایستی سو قایناغی مؤوجوددور.

بؤلگه‌ده‌کی هیئراپولیس آرکئولوژیک شهری، آنتیک دؤورلردن بو گونه قدر چاتان ان پارلاق مرکزلردن بیری. گئچ هئلئنیستیک و ارکن خریستیان‌لیق دؤنه‌ملرینه عاید قالیقلار داشیییر.

آنتیک شهرین میلاددان اؤنجه ۲.جی عصرده برگاما کراللارین‌دان II.جی ائومنس طرفین‌دن قورولدوغو، آدینی ایسه برگامانین قوروجوسو تلفوسون ائشی هیرادان آلدیغی تخمین ائدیلیر. خریستیانلیغین یاییلماسین‌دا اؤنملی روللاردان بیرینی اوینایان هیراپولیس، عینی زامان‌دا عیسی‌نین اون ایکی حواریسیندن بیری اولان عزیز فیلیپوسون اؤلدورولدویو شهر. بو سببله میلاددان سونرا ۴.جو عصرده اونون خاطره‌سینه دین مرکزی اعلان ائدیلمیش؛ داها سونرا دوغو روما امپراتورلوغونا گئچمیش و پیسکوپوسلوق مرکزی اولموش.

قایناقلارا گؤره هیروپولیس، زامانین‌دا دمیر و داش ایشله‌مه‌چی‌لیگی، توخوما پارچالاری ایله مشهور اولان بیر شهر.

...

بنزرسیز طبیعی گؤزل‌لییه صاحب پاموق‌قالا و آنتیک شهر هیروپولیسه گئدرسه‌نیز، بؤلگه‌ده‌کی شفالی سولاردان یارارلانمادان، آغ‌آپاق تراورتنلر اوزرین‌دن گونشین باتماسینی ایزله‌مه‌دن، یاخین مسافه‌ده‌کی ماغارالاری و شلاله‌لری گؤرمه‌دن دؤنمه‌یین.

آیریجا دنیزلی‌نین مشهور ال توخومالارین‌دان آلمانیزی، یئرلی یئمکلردن پیده و کبابی آلماغینیزی توصیه ائدیریک.



ایلگیلی‌لی خبرلر