نفت رکوردلاری یئنیله‌دی

گئجه سئانس‌لاریندا "برنت" نفتی‌نین بیر بوشقاسی 77،97 دو‌لاردان ساتیلیب کی، بو دا سون 52 هفته‌ده قئیده آلینان ان یوکسک قیمت‌دیر.

نفت رکوردلاری یئنیله‌دی

بورسالاردا نفتین قیمتینده نوبتی ایللیک رکورد قئیده آلینیب. گئجه سئانس‌لاریندا "برنت" نفتی‌نین بیر بوشقاسی 77،97 دو‌لاردان ساتیلیب کی، بو دا سون 52 هفته‌ده قئیده آلینان ان یوکسک قیمت‌دیر.

غربی تگزاس نفتی‌نین قیمتینده ده یوکسلمه نظره چارپیر. بورسالاردا  WTİ مارکا‌لی نفتین بیر بوشقاسی 71،66 دو‌لاردان تکلیف اولونور. بو ایللیک ان یوکسک گؤستریجی‌دن جمعی 22 سنت آشاغی‌دیر.

نفتین باهالاشماسینا اساساً اوچ عامل تأثیر گؤستریب. امریکا انرژی ناظیرلیگی‌نین رسمی راپورونا اساساً، اؤلکه‌نین نفت نفت ذخیره لرینین حجمی اؤتن هفته 2،2 میلیون بوشقا آزالیب کی، بو دا تخمین لردن 200 مین بوشقا چوخ‌دور. حاضردا امریکانین نفت ذخیره لرینین حجمی 433،8 میلیون بوشقا تشکیل ائدیر.

امریکانین ایرانا قارشی تحریم لری برپا ائتمه‌سی و وئزوئلادا اوره تیم سویه‌سی‌نین آزالماسی دا نفتین باهالاشماسینی تامین ائدیر. "Bank of America"نین آپاریجی آنالیتیک‌لری بو سبب‌لردن گلن ایل نفتین بیر بوشقاسی‌نین 100 دو‌لارا کیمی باهالاشاجاغینی استثنا ائتمیرلر.



ایلگیلی‌لی خبرلر