آمریکا-چین، تیجارت ساواشی

آمریکا خزینه ناظیری استیون منوچین، چین ایله تیجارت ساواشی‌نین "گؤزلمه‌یه آلدیغینی" بیلدیریب

آمریکا-چین، تیجارت ساواشی

آمریکا خزینه ناظیری استیون منوچین، چین ایله تیجارت ساواشی‌نین "گؤزلمه‌یه آلدیغینی" بیلدیریب.

فاکس تلویزیونونا دانیشان منوچین، آمریکا و چین آراسیندا گؤمروک وئرگیسی اوزرین‌دن یاشانان گرگین‌لیگی بیر موقاویله اساسیندا نیظاملاماق اوچون گؤزلمه‌یه آلدیق‌لارینی آچیقلاییب.

منوچین،

تیجارت ساواشینی گؤزلمه‌یه آلیریق. حاضیردا، فرق‌لی بیر چرچیوه‌ده باشا دوشنه قدر گؤمروک وئرگی‌سینی گؤزلمه‌یه آلما موضوعسوندا راضیلاشدیق." دئدی.

آمریکا و چین آراسین‌داکی تیجارت هجمینین گئنیشلنه‌جگینه قید ائدن منوچین،

اؤنوموزدکی 3- 5 ایل ایچریسینده انرژی آلیمینین 50 میلیارد دو‌لار ایله 60 میلیارد دو‌لار آراسیندا بیر سویه‌یه چیخاجاغینی گؤره و ایستراتژی اولا‌راق بو وضعیت هم بیزیم اوچون، هم ده اونلار اوچون اهمیت‌لی اولا‌جاق." دئیه دانیشدی.

استیون منوچین، چین ایله موذاکیره‌لری داوام ائدن موقاویله‌یه دایر ایسه آیرینتی وئرمک‌دن چکیندی.

منوچین، آیین اوّلینده چینه ائتدیگی سفرده، باش ناظیر کؤمکچی‌سی لیو هی ایله ایکیطرف‌لی ایقتیصادی و تیجاری موناقیشه مسئله‌لرینی حلّ ائتمک اوچون گؤروشمه‌لر کئچیریب.

ایجلاس‌لاردا فیکیر موبادیله‌سی آپاریلمیش و قیسمن راضی‌لیق الده اولونموشدو.

استیون منوچین‌ین چینه ائتدیگی زیارتین آردین‌دان ایسه چین باش ناظیری‌نین کؤمکچی‌سی لیو هی، تیجارت و ایقتیصادی دانیشیق‌لار آپارماق اوچون آمریکایا سفر ائتمیشدی.



ایلگیلی‌لی خبرلر